પોલીસ સૂત્રોમાંથી મળતી વિગતો મુજબ રાજકોટ શહેરમાં આગામી 31 ડિસેમ્બર સંદર્ભે પોલીસ કમિશનર બ્રજેશકુમાર ઝા જેસીપી મહેન્દ્ર બગરીયા, ડીસીપી ક્રાઈમ જગદીશ બાંગરવા, ડીસીપી હેતલ પટેલ, ડીસીપી રાકેશ દેસાઈ , એસીપી ક્રાઈમ બીબી બસીયા દ્વારા થર્ટી ફર્સ્ટ સંદર્ભે ખાસ સરપ્રાઈઝ ચેકિંગ હાથ ધરવામાં આવ્યું હતું.

આ સંદર્ભે શહેર એસ ઓ જી બ્રાન્ચના ઇન્ચાર્જ પીઆઇ ધ્રાંગુ, પીએસઆઇ વી કે ઝાલા, પીએસઆઇ એમ વી જાડેજા, સહિતની એસઓજી ટીમ તેમજ એફએસએલની વાન સાથેની નસીલા દ્રવ્યો નું સેવન કરતાં તત્વોને ઝડપી લેવા સ્પેશિયલ કીટ સાથે જુદા જુદા વિસ્તારમાં રાત્રે વાહન ચેકિંગ હાથ ધરવામાં આવ્યું હતું.

આ ચેકિંગ દરમિયાન વાહન ચાલકો ને અટકાવી નશીલા દ્રવ્યો તેમજ દારૂ અંગેનું સેવન કર્યું છે કે કેમ તે અંગે સ્પેશિયલ કીટ દ્વારા ચેકિંગ હાથ ધરાયું હતું પરંતુ એક પણ વાહન ચાલક નશો કરેલી હાલત માં કે નસીલા દ્રવ્યોનું સેવન કર્યું હોય તેવું મળી આવ્યું ન હતું, પરંતુ 31 ડીસેમ્બર સુધી શહેર પોલીસ સતત સરપ્રાઈઝ ચેકિંગ ચાલુ રાખશે તેવું જાણવા મળ્યું છે.