જામનગર : ખોડીયાર કોલોનીમાં ટીઆરબીના જવાનની ફરજમાં રૂકાવટ

December 08, 2025 01:16 PM

જામનગરમાં ખોડીયાર કોલોની વિસ્તારમાં ટ્રાફિકની ફરજ બજાવી રહેલા ટીઆરબીના એક જવાનને કાર ચાલકે ફરજમાં રુકાવટ કરી તેને કારની સાથે ૧૦ મીટર સુધી ઢસડયો હતો, ઇજાગ્રસ્ત યુવાનને સારવારમાં ખસેડવામાં આવ્યો હતો, દરમ્યાન કાર ચાલક સામે ફરજમાં રૂકાવટ અંગેની ફરિયાદ નોંધાવી છે. પોલીસે કાર કબજે કરી છે.

જામનગરમાં સ્વામીનારાયણ નગર ડ્રીમ સીટી શેરી નંબર-૨માં રહેતો અને શહેરની ટ્રાફિક શાખામાં ટ્રાફિકબ્રિગેડ તરીકે ફરજ બજાવતો જીલ રમેશભાઈ બગડા નામનો ૨૨ વર્ષનો ટ્રાફિકનો જવાન, તા. ૫ના બપોરે દોઢેક વાગ્યાના અરસામાં ખોડીયાર કોલોની વિસ્તારમાં ટ્રાફિકની ફરજ બજાવી રહ્યો હતો, જે દરમિયાન જી.જે.-૩ એનબી-૯૦૮૦ નંબરના સ્વીફટ કારનો ચાલક કે જણે ટ્રાફિકને અડચણરૂપ બને તે રીતે માર્ગ ઉપર કાર પાર્ક કરી હતી, જેથી તેને કાર સાઇડમાં લેવાનું કહેતાં અને ટ્રાફિકના અધિકારી બોલાવે છે, તેમ કહેતાં કારચલક સૌપ્રથમ મસાલો ખાવા માટે નીચે ઉતર્યા બાદ એકાએક પોતાની કાર ચાલુ કરીને ભાગવા લાગ્યો હતો.

આથી ટીઆરબીના જવાન જીલ બગડાએ તેની કારને રોકવાનો પ્રયત્ન કર્યો હતો, જે દરમિયાન કારચાલકે તેને ૧૦ મીટર દૂર સુધી ઢસડ્યો હતો, જેથી ટીઆરબી નો જવાન ઈજાગ્રસ્ત બન્યો હતો જેને હોઠ પર અને શરીરના નાની મોટી ઈજા થઈ હતી, ત્યારબાદ તેને ૧૦૮ નંબરની એમ્બ્યુલન્સ મારફતે જીજી હોસ્પિટલમાં સારવાર માટે ખસેડાયો હતો, જ્યાં તેને સારવાર અપાઈ હતી.

આ બનાવ અંગે જીલ બગડાએ સીટી સી. ડિવિઝન પોલીસ મથકમાં જી.જે.-૩ એન.બી. ૯૦૮૦ નંબરની કારના ચાલક નિર્મળસિંહ ગુલાબસિંહ જાડેજા સામે ફરિયાદ નોંધાવી છે. જેના આધારે તપાસ આગળ ધપાવવામાં આવી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર : ખોડીયાર કોલોનીમાં ટીઆરબીના જવાનની ફરજમાં રૂકાવટ

Recent News

Gujarat's No. 1 evening newspaper