બનાવની જાણવા મળતી વિગતો મુજબ, પોરબંદરની કિશોરી રાજકોટની સ્કૂલમાં અભ્યાસ કરતી હતી અને હોસ્ટેલમાં રહેતી હતી. ત્યારે હોસ્ટેલમાં કામ કરતો વિજય કરશન બારડ ( રહે.ગીર દેવડી ગામ, ગીર સોમનાથ) તરૂણી સાથે મિત્રતા કેળવી હતી. ત્યારબાદ કિશોરી વધુ અભ્યાસ માટે સુરત આવી ગઈ હતી. આરોપી વિજય પણ સુરત પહોંચ્યો હતો. તાજેતરમાં કિશોરી વતન જવાની જાણ થતા તરૂણી સાંજે ખાનગી સ્લીપર કોચ બસમાં બેઠી હતી અને વિજય પણ તે બસમાં બેઠો હતો. વિજય અને કિશોરી બંને બાજુ બાજુમાં બેઠા હતા. રાત્રે વિજયે કિશોરી પર બળજબરીથી દુષ્કર્મ આચર્યું હતું અને આ અંગે કોઈને કહીશ તો જાનથી મારી નાખીશ તેવી ધમકી આપી હતી.

પરંતુ, સગીરાને પોતાની સાથે ખોટું થઈ ગયું હોઈ જેથી પોરબંદર પહોંચી તરૂણીએ માતાને પોતાની સાથે જે કંઈ ઘટના ઘટી તેની સમગ્ર હકિક્ત જણાવતાં માતા સહિતના પરિવારજનો ચોંકી ઉઠયા હતાં. બાદમાં પોરબંદર પોલીસમાં ફરિયાદ નોંધાવતા પોલીસે દુષ્કર્મ અને એક્ટ્રોસીટી એકટની કલમ હેઠળ ગુનો દાખલ કર્યો હતો. બનાવ મહિધરપુરા પોલીસની હદમાં થયો હોવાથી ફરિયાદ હવે મહિધરપુરા પોલીસમાં ટ્રાન્સફર કરવામાં આવતાં વિશેષ તપાસ ત્યાંની મહિઘરપુરા પોલીસ ચલાવી રહી છે.