અનન્યા પાંડેએ નવા મિત્ર સાથે સમય વિતાવવાનું શરુ કર્યુ બોલિવૂડ એક્ટ્રેસ અનન્યા પાંડે છેલ્લા ઘણા મહિનાઓથી આદિત્ય રોય કપૂરને ડેટ કરવાના સમાચારને લઈને ચર્ચામાં હતી, જો કે, તાજેતરના અહેવાલો અનુસાર, આ કપલનું માર્ચમાં બ્રેકઅપ થઈ ગયું છે.એમનો સંબંધ 2 વર્ષ ચાલ્યો હતો. આ સમાચારની પુષ્ટિ બંનેના નજીકના મિત્રએ કરી છે.અનન્યા હવે નવા મિત્ર સાથે સમય પસાર કરી રહી છે.

બોલિવૂડ એક્ટ્રેસ અનન્યા પાંડે અને આદિત્ય રોય કપૂર વિશે ઘણા સમયથી ચર્ચા ચાલી રહી છે કે બંનેનું બ્રેકઅપ થઈ ગયું છે. મીડિયા રિપોર્ટ્સ અનુસાર, બંનેનું લગભગ એક મહિના પહેલા બ્રેકઅપ થયું હતું. તેમના બ્રેકઅપના સમાચારે તેમના મિત્રોને પણ ચોંકાવી દીધા છે. બંને સ્ટાર્સના નજીકના મિત્રએ તાજેતરમાં પુષ્ટિ કરી હતી કે તેઓ એક મહિના પહેલા બ્રેકઅપ થયા હતા.

વાતચીત દરમિયાન આદિત્ય રોય કપૂર અને અનન્યા પાંડેના મિત્રએ જણાવ્યું કે, 'લગભગ એક મહિના પહેલા તેમનું બ્રેકઅપ થયું હતું. તેઓ ખૂબ સારી રીતે મળી રહ્યા હતા, અને બ્રેકઅપ અમારા બધા માટે આઘાત સમાન હતું. તેઓ એકબીજા માટે ખૂબ જ સરસ છે. અનન્યા આગળ વધવાનો પ્રયાસ કરી રહી છે, હવે તે ચોક્કસપણે દુઃખી છે. તે તેના નવા મિત્ર સાથે સમય વિતાવી રહી છે. આદિત્ય પણ પરિસ્થિતિનો સામનો કરવાનો પ્રયાસ કરી રહ્યો છે.

આદિત્ય અને અનન્યા લગભગ બે વર્ષથી ડેટિંગ કરી રહ્યા હતા. ગયા મહિને અભિનેત્રીની પોસ્ટે ઇન્ટરનેટ પર તોફાન મચાવ્યું હતું. આ પોસ્ટ પછી એવી અટકળો ચાલી રહી હતી કે બંને સ્ટાર્સનું બ્રેકઅપ થઈ ગયું છે. જો કે, બંનેએ ક્યારેય તેમના સંબંધોને સત્તાવાર જાહેર કર્યા નથી. સમાચાર મુજબ બંને એકબીજાને બે વર્ષથી ડેટ કરી રહ્યા હતા. તે જ સમયે, બંને સ્ટાર્સ બ્રેકઅપના સમાચાર પર મૌન જાળવી રહ્યા છે.