નવરાત્રી સમયે શહેરની ભાગોળે ન્યારી ડેમ રોડ પર રાત્રીના સમયે કારમાં આગ લાગી હતી. જેની જાણ થતા ફાયર બ્રિગેડના સ્ટાફે અહીં પહોંચી આગ ઓલવી નાખી હતી. આ ઘટનાને આટલા દિવસે પસાર થયા ગયા બાદ પણ આ સળગેલી કાર રોડની વચ્ચે જેમની તેમ હાલતમાં પડી છે. કાર રોડની વચ્ચે હોવાથી અહીંથી પસાર થનાર વાહનચાલકોને આ કાર નડતરરૂપ સાબિત થઇ રહી છે. એટલું જ નહીં કાર રોડ પર પડી હોવાથી રાત્રીના સમયે અકસ્માતની શકયતા પણ નકારી શકાતી નથી. ત્યારે આ બાબતે ટ્રાફિક શાખા દ્વારા આ કાર રોડ પરથી તાકીદે હટાવવામાં આવે તે જરૂરી બની જવા પામ્યું છે. અન્યથા અહીં આગામી દિવસોમાં અકસ્માતની ઘટના પણ બની શકે તેવી ભીતિ સેવાઇ રહી છે.