એશિયન ડેવલપમેન્ટ બેંકના ડિસેમ્બર માટે એશિયા ડેવલપમેન્ટ આઉટલુક રિપોર્ટમાં જણાવાયું છે કે, "2025 માટે ભારતનો વિકાસ દર 7.2 ટકા સુધી વધારવામાં આવ્યો છે, જે બીજા ક્વાર્ટરમાં અપેક્ષા કરતા વધુ મજબૂત વિસ્તરણ દર્શાવે છે. કર ઘટાડાથી વપરાશમાં વધારો થયો છે.સપ્ટેમ્બરમાં પૂરા થયેલા બીજા ક્વાર્ટર દરમિયાન ભારતનું અર્થતંત્ર 8.2 ટકાના દરે વધ્યું, જે છેલ્લા છ ક્વાર્ટરમાં સૌથી વધુ છે.

પ્રથમ ક્વાર્ટરમાં તે 7.8 ટકા હતું. આમ, ભારતે ચાલુ નાણાકીય વર્ષના પ્રથમ છ મહિનામાં આઠ ટકાનો વિકાસ દર હાંસલ કર્યો છે. ADB રિપોર્ટ મુજબ, આ મજબૂત વૃદ્ધિ પુરવઠા બાજુએ ઉત્પાદન અને સેવા ક્ષેત્રોમાં મજબૂત વિસ્તરણ અને માંગ બાજુએ વપરાશ અને રોકાણમાં વધારો દ્વારા પ્રેરિત છે. જોકે, મનીલા સ્થિત બહુપક્ષીય વિકાસ બેંકે નાણાકીય વર્ષ 2026-27 માટે તેનો અંદાજ 6.5 ટકા રાખ્યો છે.

એશિયન ડેવલપમેન્ટ બેંકના ફુગાવાના અંદાજ

અહેવાલ મુજબ, પાક ઉત્પાદનમાં સુધારો, સારા ચોમાસા અને જીએસટી સુધારાને કારણે ખાદ્યપદાર્થોના ભાવ નીચા રહ્યા છે. એશિયન ડેવલપમેન્ટ બેંકએ નાણાકીય વર્ષ 26 માટે ફુગાવાના અંદાજને 3.1 ટકાથી ઘટાડીને 2.6 ટકા કર્યો છે. અહેવાલમાં જણાવાયું છે કે શાકભાજી અને કઠોળના ભાવ નીચા હોવાને કારણે છેલ્લા કેટલાક મહિનામાં ફુગાવામાં તીવ્ર ઘટાડો થયો છે.