ભારતમાં પ્રવાસ કરવાનો વધતો ક્રેઝ હવે માત્ર ફરવા પૂરતો સીમિત નથી, પરંતુ એક મોટી બિઝનેસ તક બની ચૂક્યો છે. જો તમે પણ ઓછા રોકાણમાં પોતાનો વ્યવસાય શરૂ કરવા માંગો છો, તો ટ્રાવેલ એજન્સી ખોલવી એક ઉત્તમ અને ઝડપથી વિકસતો વિકલ્પ બની શકે છે.

યુવાનોમાં પર્વતો, દરિયાકિનારા, ઐતિહાસિક સ્થળો અને વિવિધ સંસ્કૃતિઓનો અનુભવ કરવાની ઉત્સુકતા વધવાને કારણે દેશમાં ટ્રાવેલ ઇન્ડસ્ટ્રી ઝડપથી આગળ વધી રહી છે. લોકોની રજાઓને ખાસ બનાવીને સારી કમાણી કરવા માટે ટ્રાવેલ એજન્સીનું કામ એક શાનદાર તક પૂરી પાડે છે.

ટ્રાવેલ એજન્સી ખોલવા માટે જરૂરી રજિસ્ટ્રેશન
કોઈપણ ટ્રાવેલ એજન્સી શરૂ કરવા માટે કાનૂની ઓળખ અને વિશ્વસનીયતા મેળવવી જરૂરી છે.

• કંપનીનું માળખું: સૌ પ્રથમ તમારે સોલ પ્રોપ્રાઇટરશિપ, પાર્ટનરશિપ કે પ્રાઇવેટ લિમિટેડ કંપનીમાંથી કયું માળખું પસંદ કરવું તે નક્કી કરવું પડશે. ત્યારબાદ તેને રજિસ્ટ્રાર ઑફ કંપનીઝ (ROC) હેઠળ નોંધણી કરાવવી પડે છે.
  
  

• IRCTC એજન્ટ રજિસ્ટ્રેશન: જો તમારી એજન્સી ટ્રેન અને બસ ટિકિટ બુકિંગ પણ પૂરી પાડવાની હોય, તો IRCTC એજન્ટ રજિસ્ટ્રેશન કરાવવું આવશ્યક છે, જેનાથી તમને અધિકૃત ટિકિટ બુકિંગની સુવિધા મળે છે.
  
  

• પ્રવાસન મંત્રાલયની માન્યતા: ભારત સરકારના પ્રવાસન મંત્રાલયમાં નોંધણી કરાવવાથી તમારી એજન્સીની વિશ્વસનીયતા વધે છે. આ પ્રમાણપત્ર એજન્સીને સરકારી માન્યતા પ્રાપ્ત બનાવે છે. આ પ્રક્રિયા ઑનલાઇન અને પારદર્શક હોય છે.

ખર્ચ અને રોકાણનું ગણિત
ટ્રાવેલ એજન્સી શરૂ કરવાનો ખર્ચ તમે કયા સ્તરે શરૂઆત કરવા માંગો છો તેના પર નિર્ભર કરે છે:

બિઝનેસની તક
આજે ટ્રાવેલ ઇન્ડસ્ટ્રી ઝડપથી વિકસી રહી છે. યોગ્ય રજિસ્ટ્રેશન, મજબૂત વ્યૂહરચના અને સારી ગ્રાહક સેવા દ્વારા આ બિઝનેસ ઓછા ખર્ચે શરૂ કરીને સારો નફો કમાવવાની ઉત્તમ તક પૂરી પાડે છે.




ચલો મુસાફિર તરીકે નાના પાયે એજન્સી શરૂ કરનાર દિવ્યેશ ગજ્જરે આજકાલ સાથે વાત કરતા જણાવ્યું હતુ કે, ટ્રાવેલ એજન્સી શરૂ કરવાનો ખર્ચ તમે કયા સ્કેલ પર શરૂ કરવા માંગો છો તેના પર આધાર રાખે છે. જો તમે ઘરેથી એક નાની ઓનલાઈન ટ્રાવેલ એજન્સી ચલાવવા માંગતા હો, જે ફક્ત ડિજિટલ ચેનલો દ્વારા હોટેલ બુકિંગ, ફ્લાઇટ ટિકિટિંગ અને ટ્રાવેલ પેકેજો જેવી સેવાઓ પ્રદાન કરે છે, તો પ્રારંભિક ઇન્ફ્રાસ્ટ્રક્ચર સેટ કરવા માટે ₹100,000 સુધીનો ખર્ચ થઈ શકે છે. આ મોડેલ ઓફિસ ભાડું દૂર કરે છે અને ફક્ત જરૂરી સોફ્ટવેર, વેબસાઇટ, માર્કેટિંગ અને સિસ્ટમ સેટઅપને આવરી લે છે.