હોસ્પિટલમાં દર્દીઓને ઠંડીથી બચાવવા માટે ધાબળાનું વિતરણ કરવામાં આવતું હોય છે પરંતુ સરકારી ધાબળા ચોરાઈ જવાની પણ હોસ્પિટલ મેનેજમેન્ટને ચિંતા સતાવી રહી છે. તેથી દરેક વોર્ડમાં દર્દીઓને આપવામાં આવતા ધાબળાને દોરીની મદદથી પલંગ સાથે બાંધી દેવામાં આવ્યા છે, જેથી કોઈ દર્દી કે પરિચારક તેને પોતાની સાથે લઈ જઈ ન શકે.

દર વર્ષે શિયાળાની ઋતુમાં દર્દીઓને ધાબળા આપવામાં આવે છે.  ઘણી વખત એવું જોવા મળે છે કે જ્યારે કેટલાક દર્દીઓને રજા આપવામાં આવે છે ત્યારે તેઓ તેમના સામાન સાથે ધાબળા લઈને જતા હોય છે, જેના કારણે હોસ્પિટલમાં આવતા અન્ય દર્દીઓ માટે ધાબળાની અછત ઉભી થતી હોય છે. છે. ઘણી વખત રાત્રે ધાબળા ચોરાઈ જાય છે, જેને રોકવા માટે આ વર્ષે હોસ્પિટલ મેનેજમેન્ટે એક વિચિત્ર આઈડિયા વાપરીને દરેક વોર્ડમાં બેડ પર દર્દીઓને ધાબળા તો આપ્યા જ પરંતુ દોરીની મદદથી તમામ ધાબળા બાંધી દીધા. જેથી કોઈ તેમની સાથે ધાબળો ન લઈ જાય. જ્યારે આ રીતે ધાબળા બાંધવાથી કેટલીકવાર દર્દીઓને તકલીફ થાય છે, તેથી તેમને તેમના ઘરેથી વધારાના ધાબળા અથવા ચાદર પણ લાવવા પડે છે.