ગુજરાત રાજ્યની રાજકોટ સહિતની મહાપાલિકાઓની આગામી ચૂંટણી પૂર્વે છેલ્લા પાંચ વર્ષમાં થયેલા વિકાસ કામોની સમીક્ષા શરૂ કરાઇ છે. પ્રભારી મંત્રીઓ રાજ્યની મહાપાલિકાઓમાં જઈને મ્યુનિસિપલ પદાધિકારીઓ તેમજ ધારાસભ્યો, સાંસદ વિગેરે સાથે બેઠક યોજશે. આજે અમદાવાદથી આ પ્રકારની રિવ્યૂ મિટિંગનો પ્રારંભ થયો છે.

ચૂંટણી વર્ષના બજેટમાં લોકોને આકર્ષિત કરે તેવી યોજના મૂકવા પણ ટકોર કરાશે.

વિશેષમાં મ્યુનિ.સૂત્રોમાંથી પ્રાપ્ત વિગતો મુજબ, જુના બજેટમાં જાહેર કરેલી યોજનાઓ ઝડપથી શરૂ થાય તેવી પણ સૂચના અપાશે. ચૂંટણી પહેલા વિવિધ પ્રોજેક્ટનું ખાતમુહૂર્ત અને લોકાર્પણ પણ કરવાની પણ તાકીદ કરાશે. ટૂંક સમયમાં પ્રભારી મંત્રી જીતુભાઈ વાઘાણી રાજકોટમાં સમીક્ષા બેઠક કરે તેવી સંભાવના હોવાનું જાણવા મળે છે.