એ પછી ફરીયાદી વેપારીને વિશ્ર્વાસમાં લઇ ઇન્વેસ્ટમેન્ટના બહાના હેઠળ કુલ રૂ. ૧.૮૭.૪૪.૪૦૭ બેન્ક ઓફ મહારાષ્ટ્ર ખાતા નં. ....... દિવાન એન્ટરપ્રાઇઝ, બેન્ક ઓફ મહારાષ્ટ્ર ખાતા નંબરવાળા ટ્રેડીંગ ફર્મના એકાઉન્ટમાં ટ્રાન્સફર કરાવી લઇ........ નામની વેબસાઇટ પર ખોટુ પ્રોફીટ બતાવી બાદમાં ફરીયાદીને તેમની રકમ પરત નહી આપીને ઠગાઇ કરી હતી.


આ પછી કૌશિકભાઇએ સાયબર ક્રાઇમ પોલીસનો સંપર્ક કરીને ફરીયાદ નોંધાવતા પીઆઇ આઇ.એ. ધાસુરા દ્વારા તપાસ ચલાવવામાં આવી રહી છે. અને મોબાઇલ નંબર, ખાતા નંબર અંગે ચકાસણી કરી તેમનો કોણ ઉપયોગ કરતુ હતું એ સહિતની ડીટેઇલ્સ મેળવવામાં આવી રહી છે તેમજ આ પ્રકરણની તપાસ માટે અલગ અલગ કર્મીઓને કામે લગાડવામાં આવ્યા છે.


કરોડોની ઓનલાઇન ઠગાઇનો મામલો સામે આવતા ચકચાર મચી જવા પામી છે, ફરીયાદ અનુસંધાને પોલીસે તપાસનો દોર હૈદરાબાદ, એમપી અને મુંબઇ તરફ લંબાવ્યો હોવાનુ જાણવા મળ્યું છે, આ મામલે પોલીસે એક શખ્સને શંકાના આધારે ઉઠાવી લઇ તેની પુછપરછ ચલાવવામાં આવી રહી છે. નજીકના સમયમાં આ પ્રકરણ પરથી પડદો ઉચકવામાં પોલીસને સફળતા મળે તેવી પણ સુત્રોએ શકયતા વ્યકત કરી છે.​​​​​​​