સ્પીડવેલ પાર્ટી પ્લોટ નજીક ઓરબીટ કોમ્પ્લેક્સમાં મારબલનું કામ કરતી વખતે પથ્થરો માથે પડતા ગંભીર ઇજા થવાથી યુવકનું મોત નીપજ્યું હતું.શહેરના પરા પીપળીયામાં 25 વારીયા કવાટરમાં રહેતો સત્યેન્દ્ર રામપ્રકાશ યાદવ (ઉ.વ.21)નો યુવક સાંજે છએક વાગ્યે સ્પીડવેલ પાર્ટી પ્લોટ થી પરસાણા ચોક વચ્ચે આવેલા ઓરબિટ કોમ્પ્લેક્સમાં ઇટાલિયન મારબલનું કામ કરતો હતો ત્યારે માથે પથ્થરની પ્લેટો પડતા યુવક દબાઈ ગયો હતો, બનાવથી સાથી શ્રમિકો સહિતના દોડી જઈ 108ને જાણ કરત તાકીદે સિવિલ હોસ્પિટલમાં ખસેડ્યો હતો. યુવકને માથામાં ગંભીર ઇજા થવાથી ટૂંકી સારવાર દરમિયાન દમ તોડી દેતા પરિવારમાં કલ્પાંત સર્જાયો હતો. બનાવની જાણ હોસ્પિટલ ચોકીના સ્ટાફે તાલુકા પોલીસને કરતા પોલીસે જરૂરી કાર્યવાહી કરી હતી. મૃતક યુવક મૂળ બિહારનો વતની હતો અને બે ભાઈ એક બહેનમાં નાનો હતો. સંતાનમાં એક પુત્ર છે. યુવક ઇટાલિયન મારબલનું કામ રાખ્યું હોવાથી મારબલનો થપ્પો પડ્યો હતો તેમાંથી લેવા જતા મારબલ માથે પડતા બનાવ બન્યો હતો. યુવકના મોતથી પરિવારમાં શોક છવાયો છે.