બાંગ્લાદેશની ચૂંટણીમાં જીતનારા હિન્દુ ઉમેદવારોમાં સૌથી અગ્રણી નામ બાંગ્લાદેશ નેશનાલિસ્ટ પાર્ટીના વરિષ્ઠ નેતા ગાયેશ્વર ચંદ્ર રોયનું છે. રોય ઢાકા-3 મતવિસ્તારમાંથી જીત્યા હતા. તેમણે જમાત-એ-ઇસ્લામીના ઉમેદવાર મોહમ્મદ શાહિનુર ઇસ્લામને હરાવ્યા હતા. ગાયેશ્વર ચંદ્રાએ 99,163 મત મેળવ્યા હતા, તેમના નજીકના હરીફ, મોહમ્મદ શાહિનુરને 15,899 મતોના માર્જિનથી હરાવ્યા હતા. ગાયેશ્વર ચંદ્ર રોય બાંગ્લાદેશ નેશનાલિસ્ટ પાર્ટીની સ્થાયી સમિતિના સભ્ય છે અને અગાઉ રાજ્ય મંત્રી તરીકે સેવા આપી ચૂક્યા છે.

નિતાઈ રોય ચૌધરી બાંગ્લાદેશની સામાન્ય ચૂંટણી જીતનારા બીજા હિન્દુ ઉમેદવાર છે. તેમણે બાંગ્લાદેશ નેશનાલિસ્ટ પાર્ટી ટિકિટ પર મગુરા-2 સંસદીય મતવિસ્તાર જીત્યો હતો. નિતાઈ રોય ચૌધરી બાંગ્લાદેશ નેશનાલિસ્ટ પાર્ટી ના ઉપાધ્યક્ષ છે અને તેમને બાંગ્લાદેશ નેશનાલિસ્ટ પાર્ટી માં એક પ્રભાવશાળી લઘુમતી વ્યક્તિ તરીકે જોવામાં આવે છે. નિતાઇ રોય ચૌધરીને 1,47,896 મત મળ્યા, તેમણે જમાતના ઉમેદવાર મુસ્તરશીદ બિલ્લાને 30,838 મતોના માર્જિનથી હરાવ્યા.

એડવોકેટ દીપેન દિવાન બાંગ્લાદેશની સામાન્ય ચૂંટણીમાં બાંગ્લાદેશ નેશનાલિસ્ટ પાર્ટીની ટિકિટ પર જીતનારા ત્રીજા હિંદુ ઉમેદવાર છે. દીપેન દિવાન રંગામાટી સંસદીય બેઠક પર જીત્યા. દિપેન દિવાનને કુલ 31,222 મત મળ્યા હતા. તેમણે તેમના મુખ્ય હરીફ, અપક્ષ ઉમેદવાર પહલ ચકમાને 9,678 મતોના માર્જિનથી હરાવ્યા.

દરમિયાન, જમાત ગઠબંધન દ્વારા મેદાનમાં ઊતરેલા એકમાત્ર હિંદુ ઉમેદવાર હારી ગયા. ખુલના-1 સીટ પર જમાત-એ-ઈસ્લામી પાર્ટી દ્વારા મેદાનમાં ઉતરેલા કૃષ્ણા નંદી 70,346 મતો મેળવવા છતાંબાંગ્લાદેશ નેશનાલિસ્ટ પાર્ટી ઉમેદવાર સામે હારી ગયા હતા