બાંટવાના પાજોદ પાસે કારે બાઈકને હડફેટે લેતા માણાવદર પંથકના ત્રણ યુવકોના ગંભીર ઈજા થવાથી મોત થયાનો બનાવ નોંધાયો હતો.
માણાવદરના બાંટવા ના પાજોદ ગામ પાસે થયેલા બનાવમાં ત્રીપલ સવારીમાં જઈ રહેલી બાઈકને પુરપાટ ઝડપે આવતી ઇકો કારે હેડફેટે લેતા બાઈકનો બુકડો બોલી ગયો હતો. ગમખ્વાર અકસ્માતમાં ગંભીર ઈજા થવાથી બાઈકમાં બેસેલા ત્રણ યુવકોના મોત થયા હતા. યારે કારચાલકને પણ ઇજાગ્રસ્ત હાલતમાં ખાનગી હોસ્પિટલમાં ખસેડવામાં આવ્યા છે. બનાવને લઈ પોલીસ દ્રારા  ત્રણેય યુવકોના પોસ્ટમોર્ટમ કરી  વધુ તપાસ હાથ ધરવામાં આવી રહી છે.

બનાવ અંગે પ્રાથમિક વિગત મુજબ બાંટવા તાલુકાના પાજોદ ગામ પાસે ત્રીપલ સવારીમાં બાઈક પર યુવાનો જતા હતા તે દરમિયાન પૂરપાટ ઝડપે આવેલી જીજે૧૧ સીએચ ૩૧૭૯ ના કાર ચાલકે  બાઈકને ઠોકરે ચડાવતા થયેલા ગમખવાર અકસ્માતમાં બાઈકનો બુકડો બોલી ગયો હતો. અને કારને પણ નુકસાન થયું હતું થયેલા અકસ્માતથી બાઈક પર બેસેલા ભરત નગાભાઈ મોરી (ઉં વ ૧૬ રહે બાટવા) , પરેશ પરબતભાઈ રામ (ઉંવ ૨૫) રહે બાંટવા અને હરદાસભાઇ કારાભાઈ ઓડેદરા
( ઉં વ ૩૦) રહે માણાવદર ત્રણેય યુવકોનું ગંભીર ઈજા થવાથી મોત થયું હતું. ત્રણેય યુવકોને જુનાગઢ સિવિલ હોસ્પિટલે ખસેડાયા હતા યાં તેના પોસ્ટમોર્ટમની કાર્યવાહી કરવામાં આવી હતી. પ્રા વિગત મુજબ ત્રણેય મિત્રો હતા.

બનાવમાં ઇકો કાર ચાલકને પણ ઈજા થઈ હોવાની પ્રાથમિક વિગત પ્રાપ્ત થઈ રહી છે તેને સારવાર અર્થે ખાનગી હોસ્પિટલમાં ખસેડવામાં આવેલ છે. ઘટનાને લઇ પોલીસની ટીમ દ્રારા વધુ તપાસની કાર્યવાહી હાથ ધરવામાં આવી રહી છે.માણાવદર પંથકના ત્રણ યુવકોના એકી સાથે મોત થયાના બનાવથી પરિવાર અને  પંથકમાં શોકનું મોજુ છવાયું હતું.