સુરક્ષા અને લેન્ડિંગ સહિતની વ્યવસ્થાનું નિરીક્ષણ હાથ ધરવામાં આવ્યું હતું.

આજના દિવસે વાયુ સેના દ્વારા એક તેમજ આવતીકાલે ત્રણ હેલિકોપ્ટરના રિહર્સલ હાથ ધરવામાં આવી રહ્યા છે. વડાપ્રધાન મોદીની સુરક્ષામાં કોઈ કચાશ ન રહી જાય તે માટે પૂર્વ તૈયારીના ભાગરૂપે વાયુ સેના દ્વારા હેલિકોપ્ટર દ્વારા નિરીક્ષણ શરૂ કરી દેવામાં આવ્યા છે. આ ઉપરાંત હીરાસર એરપોર્ટ તેમજ આસપાસના વિસ્તારોમાં સુરક્ષા વ્યવસ્થા કડક કરી દેવામાં આવી છે. વડાપ્રધાનની સુરક્ષાને લઈને સંબંધિત અધિકારીને ખાસ નિરીક્ષણની જવાબદારી સોંપવામાં આવી છે.

રાજકોટ એરપોર્ટ પર વાઇબ્રન્ટ સમિટને લઈને વડાપ્રધાન તેમજ દેશ-વિદેશથી આવનાર મહેમાનો માટે સુવિધામાં વધારો કરાયો છે. તેની સાથે સાથે તમામની સુરક્ષા માટે તંત્ર દ્વારા અલાયદી વ્યવસ્થા કરવામાં આવી છે. વાઇબ્રન્ટ સમિટને સફળ બનાવવા માટે વહીવટી તંત્ર, સુરક્ષા એજન્સીઓ તથા એરપોર્ટ ઓથોરિટી ખભે-ખભા મિલાવી અને બંદોબસ્તમાં લાગી ગઈ છે.