બનાવની મળતી વિગત મુજબ મેટોડા ગેઇટ નં-3 પાસે રહેતા રોહિત મુળજીભાઈ પરમાર(ઉ.વ.30), સાધુવાસવણી રોડ પર ગંગોત્રી ડેરીની સામે આવાસ કવાર્ટરમાં રહેતો ભત્રીજો યુવરાજ પરસોતમભાઈ પરમાર (ઉ.વ.18) તેનો બાજુમાં જ રહેતો મિત્ર વિવેક રાજુભાઈ બારૈયા (ઉ.વ.17) ત્રણેય બાઈક લઈને રાત્રીના એકાદ વાગ્યે નાસ્તો કરવા જતા હતા ત્યારે કાલાવડ રોડ પર મહિલા કોલેજ અન્ડર બ્રિજ પાસે બાઈક ડિવાઈડર સાથે અથડાતા ત્રણેય રોડ પર પટકાતા માથા ને શરીરના ભાગે ઈજાઓ થવાથી 108 મારફતે સિવિલ હોસ્પિટલમાં ખસેડવામાં આવ્યા હતા. જેમાં એકની હાલત ગંભીર જણાઈ રહી છે. બનાવ અંગે હોસ્પિટલ ચોકીના સ્ટાફે માલવીયાનગર પોલીસને જાણ કરી હતી.