આ અકસ્માતના બનાવ અંગે હરદીપસિંહ ચંદુભા કેરએ પોલીસને જાણ કરતાં પંચકોષી બી. ડિવિઝનનો પોલીસ સ્ટાફ ઘટના સ્થળે દોડી ગયો હતો, અને બંને મૃતદેહોનો કબજો સંભાળી અજાણ્યા ટ્રક ચાલક સામે ગુનો નોંધ્યો છે. જે હાલ ભાગી છૂટ્યો હોવાથી તેનો રેધો પડેલો ટ્રક કબજે કરી લઇ તેની શોધખોળ ચલાવવામાં આવી રહી છે.


અકસ્માતનો બીજો બનાવ ધ્રોલ નજીક લૈયારા ગામ પાસે બન્યો હતો. ધ્રોલમાં ગાયત્રી નગર વિસ્તારમાં રહેતો અને શાકભાજીનું વેચાણ કરતો સુરેશ બટુકભાઈ રાઠોડ નામનો ૩૪ વર્ષનો યુવાન પોતાના રિક્ષા છકડા જીજે૧૦એકસ-૩૮૭૯માં ધ્રોલ અને આસપાસના ગ્રામ્ય વિસ્તારમાં શાકભાજી વેચવા જઈ રહ્યો હતો, જેનું વેચાણ કરીને પોતાનો રિક્ષાછકડો લઈને ધ્રોલ તરફ પરત આવી રહ્યો હતો, જે દરમિયાન રાજકોટ જામનગર હાઇવે રોડ પર લૈયારા પાસે તેને અકસ્માત નડ્યો હતો. 


માર્ગ ઉપર એક ગાય આડી આવી જતાં તેને બચાવવા જવાથી પોતે રીક્ષા છકડા પરનો કાબુ ગુમાવી બેઠો હતો, અને રીક્ષા છકડો રોડથી નીચે ઉતરીને પલટી મારી ગયો હતો. જે અકસ્માતમાં પોતે ગંભીર સ્વરૂપે ઘાયલ થયો હતો અને તેને સારવાર માટે રાજકોટની સરકારી હોસ્પિટલમાં ખસેડાયો હતો, ત્યાં સારવાર દરમિયાન તેનું મૃત્યુ નીપજ્યું છે.


 આ અકસ્માતના મામલે પોલીસને જાણ થતાં ધ્રોલના પોલીસ હેડ કોન્સ્ટેબલ આર.ડી. જાડેજા બનાવના સ્થળે અને રાજકોટની હોસ્પિટલમાં દોડી ગયા હતા, અને રીક્ષા છકડા ચાલક ના મૃતદેહનો કબજો સંભાળી વધુ તપાસ હાથ ધરી છે.​​​​​​​