જામનગર : ઓમ ટ્રેડિંગના સંચાલકને ત્રણ ચેક રીટર્ન કેસમાં ૨-૨ વર્ષની સજા

December 19, 2025 11:47 AM

જામનગરમાં દિગ્વિજય પ્લોટમાં રહેતા અને જામનગર મ્યુનિસીપાલ કોર્પોરેશનમાં ફરજ બજાવતા સુનિલ વસંતભાઇ વાઘેલા પાસેથી તેના મિત્ર અને ઓમ ટ્રેડિંગના નામથી નીઓ સ્ક્વેરમાં શેર બજારને લગત ધંધો કરતાં હિરેન મહેન્દ્રભાઈ ધાબાએ કુલ રૂ.૨૪,૨૫,૦૦૦ હાથ-ઉછીના મેળવેલ જે રકમની ચુકવણી કરવા હિરેન ધાબાએ અલગ-અલગ બેંકના અલગ-અલગ તારીખના ચેકો આપેલા જે ચેકો બાઉન્સ થતાં સુનિલ વાઘેલાએ તેમના વકીલ મારફત નોટીસ આપી ૧૫ દિવસમાં લેણી રકમ ચૂકવી આપવા સૂચના આપેલ તેમ છતાં હિરેન ધાબાએ રકમ નહીં ચૂકવતા ફરીયાદી સુનિલ વાઘેલાએ જામનગર ચીફ જ્યુડિ.મેજી. ની કોર્ટમાં ચેક બાઉન્સ થવા સબબ ધી નેગોશીયેબલ ઇન્સ્ટ્રુમેન્ટ એક્ટની કલમ-૧૩૮ હેઠળની ત્રણ ફરીયાદો દાખલ કરેલ.

જે ત્રણેય ફરીયાદો જામનગરના એડી. ચીફ જ્યુડિ. મેજી. લાલવાણીની કોર્ટમાં ચાલી જતાં ફરીયાદી તરફે રજૂ થયેલ મૌખિક દસ્તાવેજી પુરાવો ધ્યાને લઈ તથા ફરીયાદ પક્ષની વિસ્તૃત દલીલ ધ્યાને લઈ આરોપી વિરુધ્ધનો કેસ પુરવાર માની આરોપી હિરેન મહેન્દ્રભાઈ ધાબાને ત્રણેય અલગ-અલગ કેસમાં ૨-૨ વર્ષની સજા તથા ચેકની રકમ નો દંડ કરી ફરીયાદીને વળતર ચૂકવવા હુકમ કરેલ છે.ફરીયાદી તરફે વકીલ તરીકે અશોક એસ. ગાંધી રોકાયેલ હતા.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર : ઓમ ટ્રેડિંગના સંચાલકને ત્રણ ચેક રીટર્ન કેસમાં ૨-૨ વર્ષની સજા

Recent News

Gujarat's No. 1 evening newspaper