ટ્રમ્પના ભાષણો પર ઓનલાઈન આગાહી બજાર પર સટ્ટો લગાવવાના આરોપ બાદ યુએસ પ્રમુખ ટ્રમ્પના ટેલિપ્રોમ્પ્ટર ઓપરેટરને ફરજીયાત રજા પર મોકલી દેવાયો છે. તેમના પર "કલશી" કે જે ઓનલાઈન આગાહી બજાર છે તેના પર રાષ્ટ્રપતિના ભાષણો પર સટ્ટો લગાવવા માટે વ્હાઇટ હાઉસની અંદરની માહિતીનો ઉપયોગ કરવાનો આરોપ હતો.કંપનીના અમલીકરણ વડાએ જણાવ્યું કે કલશીએ આ બાબત અંગે ફેડરલ નિયમનકારોનો સંપર્ક કર્યો હતો. તેમણે અધિકારીઓને જાણ કરી કે કલશી રાષ્ટ્રપતિના જાહેર ભાષણોમાં શું ઉલ્લેખ કરવામાં આવશે તે અંગે તેમના પોર્ટલ પર સટ્ટો લગાવી રહ્યા હતા.

વ્હાઇટ હાઉસના પ્રેસ સેક્રેટરી કેરોલિન લેવિટે જણાવ્યું કે રાષ્ટ્રપતિ ટ્રમ્પ પરિસ્થિતિથી વાકેફ છે. તેમણે તેને દુર્ભાગ્યપૂર્ણ અને શરમજનક ગણાવ્યું. લેવિટે પત્રકારોને જણાવ્યું હતું કે વ્હાઇટ હાઉસમાં આવી બાબતો અંગે ખૂબ જ કડક નિયમો છે અને તેમાં સામેલ કર્મચારીને અવેતન રજા પર મૂકવામાં આવ્યો છે.

અહેવાલ સામે આવ્યો હતો કે ગેબ્રિયલ પેરેઝ, જે 2016 થી ટ્રમ્પના ટેલિપ્રોમ્પ્ટરનું સંચાલન કરે છે, તેમણે વ્હાઇટ હાઉસમાંથી આંતરિક માહિતીનો ઉપયોગ કરીને 100,000 થી વધુ જીત્યા હતા. તેમણે આ વર્ષની શરૂઆતમાં આપેલા "સ્ટેટ ઓફ ધ યુનિયન" સંબોધન સહિત ટ્રમ્પના મુખ્ય ભાષણોમાં કહેવાતા શબ્દો પર દાવ લગાવ્યો હતો.

કાલશીના વકીલ અને અમલીકરણ વડા, રોબર્ટ ડેનોલ્ટે જણાવ્યું હતું કે "કાલશીની દેખરેખ ટીમે તરત જ આ વેપારને ઓળખી કાઢ્યા. તેઓએ તપાસ કરી અને તેમને યુએસ કોમોડિટી ફ્યુચર્સ ટ્રેડિંગ કમિશનને મોકલ્યા.' જો કે, તેમના નિવેદનમાં પેરેઝનું નામ આપવામાં આવ્યું નથી.

ડેનોલ્ટે વધુમાં જણાવ્યું હતું કે, "અમે આ બાબતમાં નિયમનકારોને મદદ કરી રહ્યા છીએ અને અમે એકત્રિત કરેલા તમામ પુરાવા સબમિટ કર્યા છે.

જાહેર થયેલા રિપોર્ટમાં કાલશીના બજારમાં શંકાસ્પદ પ્રવૃત્તિનો ઉલ્લેખ છે, જ્યાં વપરાશકર્તાઓ અનુમાન કરી શકે છે કે જાહેર ભાષણોમાં કયા શબ્દસમૂહો અને ચોક્કસ શબ્દોનો ઉપયોગ થઈ શકે છે.