વેનેઝુએલા પછી, યુએસ રાષ્ટ્રપતિ ડોનાલ્ડ ટ્રમ્પે ક્યુબાને દબાવવા નવી રણનીતિ અપનાવી છે અને તેમણે એવા એક આદેશ પર હસ્તાક્ષર કર્યા જે ક્યુબાને તેલ વેચતા કોઈપણ દેશથી આયાત કરાયેલા માલ પર ટેરિફ લાદશે. ટ્રમ્પનો આ નવો આદેશ ક્યુબા માટે નવી સમસ્યાઓ ઊભી કરી શકે છે અને તેના ઉર્જા સંકટને વધુ તીવ્ર બનાવી શકે છે.એવું કહેવામાં આવી રહ્યું છે કે ટ્રમ્પના આ નવા આદેશનો હેતુ તેના પડોશી દેશ, મેક્સિકો પર દબાણ લાવવાનો છે, જે લાંબા સમયથી ક્યુબાના તેલ માટે જીવનરેખા રહ્યો છે. ખરેખર, મેક્સીકન સરકારે ક્યુબાને સતત ટેકો આપ્યો છે, ભલે ગમે તેટલી પડકારજનક પરિસ્થિતિઓ હોય છતાં તેનો સાથ છોડ્યો નથી.

એવું માનવામાં આવે છે કે ટ્રમ્પના આદેશ બાદ, એવી અટકળો ચાલી રહી છે કે અમેરિકાના દબાણને કારણે મેક્સિકો ક્યુબાને તેલ પુરવઠો ઘટાડી શકે છે. આનાથી મેક્સિકો અને ક્યુબાની સરકારો વચ્ચે તિરાડ પડી શકે છે. નોંધનીય છે કે કડક અમેરિકન આર્થિક પ્રતિબંધોને કારણે ઉર્જા અને આર્થિક સંકટ વચ્ચે ક્યુબા પહેલાથી જ વિદેશી સહાય પર ખૂબ નિર્ભર છે. તે મેક્સિકો, વેનેઝુએલા અને રશિયા જેવા સાથી દેશો પાસેથી તેલ મેળવી રહ્યું છે.વેનેઝુએલામાં અમેરિકાની લશ્કરી કાર્યવાહી અને ભૂતપૂર્વ રાષ્ટ્રપતિ નિકોલસ માદુરોને સત્તા પરથી હટાવ્યા પછી, ડોનાલ્ડ ટ્રમ્પે જાહેરાત કરી હતી કે વેનેઝુએલાના તેલ હવે ક્યુબા મોકલવામાં આવશે નહીં. ક્યુબાની સરકાર પતનની આરે છે.

તો ક્યુબા માટે મોટું આર્થિક અને ઉર્જા સંકટ ઊભું થઈ શકે

નોંધનીય છે કે જો અમેરિકા પોતાની ખોરી નીતિ અખત્યાર કરવામાં કામિયાબ થાય તો ક્યુબા અને મેક્સિકો વચ્ચે તનાવ વધે અને બન્ને દેશો વચ્ચેના સંબંધો વણસી શકે. મેક્સિકોની સરકારી તેલ કંપની, પેમેક્સે જણાવ્યું હતું કે તેણે 30 જાન્યુઆરીથી 2025 સપ્ટેમ્બર દરમિયાન દરરોજ આશરે 20,000 બેરલ તેલ ક્યુબા મોકલ્યું હતું. જો આ તેલ પુરવઠો ઘટશે, તો ક્યુબા માટે એક મોટું આર્થિક અને ઉર્જા સંકટ ઊભું થઈ શકે છે.