થોડા સમય પહેલા ચીનના રાષ્ટ્રપતિ સાથે અમેરિકી પ્રમુખની બેઠક યોજાઈ હતી જેમાં ચીનનું મંત્રી મંડળ પણ હાજર રહ્યું હતું અને તેમાં જે રીતે બધા નેતાઓ ચુપચાપ બેઠા હતા એ જોઈ ટ્રમ્પને પણ મનમાં એવી ઈચ્છા જાગી કે કાશ મારે પણ આવું જ મૌન મંત્રી મંડળ હોય. ટ્રમ્પ એ ખુદ આ બાબત બુધવારે સેનેટરો સાથેની બેઠક દરમિયાન વર્ણવી હતી. ટ્રમ્પે કહ્યું, "રાષ્ટ્રપતિ શી એક મજબૂત માણસ છે. એક શાણો માણસ.મેં જોયું કે શી જિનપિંગ સાથે આવેલા લોકો સંપૂર્ણપણે મૌન બેઠા હતા.મેં મારા જીવનમાં ક્યારેય આટલા ડરેલા લોકો જોયા નથી.પોતે પણ એવી ઇચ્છા વ્યક્ત કરી હતી કે તેમનું મંત્રીમંડળ શી જિનપિંગ જેવું હોય. તેમણે સમજાવ્યું કે જ્યારે તેમણે એક વ્યક્તિ સાથે વાત કરવાનો પ્રયાસ કર્યો, ત્યારે કોઈ જવાબ મળ્યો નહીં.તેમણે ઉપરાષ્ટ્રપતિ જે.ડી. વાન્સને કહ્યું, "તમે આવું કેમ વર્તન નથી કરતા?"

નોંધનીય છે કે થોડા સમય પહેલા શી જિનપિંગ અને ટ્રમ્પ મળ્યા હતા અને યુએસ રાષ્ટ્રપતિએ આ બેઠકને ખૂબ જ સફળ ગણાવી હતી, અને કહ્યું હતું કે તેઓ ચીન પર ટેરિફ ઘટાડશે, જ્યારે બેઇજિંગ દુર્લભ ધાતુઓની નિકાસ અને યુએસમાંથી સોયાબીન ખરીદવાની મંજૂરી આપવા સંમત થયું હતું.રાષ્ટ્રપતિ ટ્રમ્પે પત્રકારોને જણાવ્યું હતું કે યુએસ આ વર્ષની શરૂઆતમાં ચીન પર લાદવામાં આવેલા 20 ટકા દંડાત્મક ટેરિફને ઘટાડીને 10 ટકા કરશે. આ ટેરિફ ફેન્ટાનાઇલ બનાવવા માટે વપરાતા રસાયણોના વેચાણ પર લાદવામાં આવ્યા હતા. આનાથી ચીન પરનો કુલ સંયુક્ત ટેરિફ દર 57 ટકાથી ઘટીને 47 ટકા થશે.ટ્રમ્પે કહ્યું કે તેઓ એપ્રિલમાં ચીનની મુલાકાત લેશે, અને શી જિનપિંગ "તેના થોડા સમય પછી" અમેરિકાની મુલાકાત લેશે. તેમણે કહ્યું કે બંને નેતાઓએ અદ્યતન કમ્પ્યુટર ચિપ્સના નિકાસ અંગે પણ ચર્ચા કરી.