28 ચપલા, 21 બોટલ, મોબાઇલ કબ્જે : જોગવડમાં દેશી દારૂની ભઠ્ઠી પર દરોડો

કાલાવડના સરાપાદર રોડ પર એક શખ્સને ઇંગ્લીશ દારૂના 28 ચપલા અને મોબાઇલ સાથે દબોચી લીધો હતો જેમા એકનું નામ ખુલ્યુ હતુ જયારે જામનગરમાં ઇંગ્લીશ દારૂની 21 બોટલ સાથે નાગેશ્ર્વરનો શખ્સ ઝપટમાં આવ્યો હતો અને જોગવડ ગામમાં દેશી દારૂ અંગે દરોડો પાડવામાં આવ્યો હતો.

કાલાવડના બેરાજા ગામમાં રહેતા બાવા કરશન નાયકા નામના ખેતમજુરને બેરાજાથી સરાપાદર જતા રોડ પર ઇંગ્લીશ દારૂના 28 ચપલા, એક મોબાઇલ મળી કુલ 10600ના મુદામાલ સાથે ગ્રામ્ય પોલીસે પકડી લીધો હતો. જેમાં બેરાજા સીમ અને મુળ એમપીના જગદીશ નામના શખ્સનું નામ ખુલ્યુ હતું.

અન્ય એક દરોડામાં જામનગરના નાગેશ્ર્વર કોલોનીમાં રહેતા ગોવિંદ જીવા ડોણાસીયાને અલગ અલગ બ્રાન્ડની ઇંગ્લીશ દારૂની 21 બોટલ કિ. 10500 સાથે સોસાયટીવાળા રસ્તે ઇન્દીરા નજીકથી સીટી-બી પોલીસે દબોચી લીધો હતો.

આ ઉપરાંત લાલપુરના જોગવડ ગામે રહેતા ભાઇજી કરમણ સોમાત નામના ઇસમના ઝુપડે મેઘપર પોલીસે દરોડો પાડી દેશી દારૂ બનાવવાની ભઠ્ઠીના સાધન તથા 50 લીટર દારૂ, 30 લીટર આથો સહિતનો મુદામાલ જપ્ત કરવામાં આવ્યો હતો.