સંસ્થાને સુપ્રત કરાયા

દેવભૂમિ દ્વારકા જિલ્લાના ઓખા રેલવે સ્ટેશનથી ગઈકાલે શુક્રવારે સવારના સમયે બે નાના બાળકો મળી આવ્યા હતા. આશરે 6 વર્ષ તથા 10 વર્ષની ઉંમરના જણાતા આ બંને બાળકોના કોઈ વાલી વારસ ન હોવાથી આર.પી.એફ.ના જવાનો દ્વારા ખંભાળિયામાં આવેલી ચાઈલ્ડ વેલફેર કમિટી સમક્ષ લાવવામાં આવ્યા હતા. જેથી કમિટીના ચેરમેન ચંદ્રશેખર બુધ્ધભટ્ટી તથા સદસ્ય તુષારભાઈ ત્રિવેદીએ આ બંને બાળકોને અહીંની ચિલ્ડ્રન હોમ ફોર બોય (સી.સી.આઈ.) સંસ્થામાં રાખવા હુકમ કર્યો હતો. જો આ બાળકોના કોઈ વાલી મળી આવે તો અહીંની સંસ્થાનો સંપર્ક કરવા એડવોકેટ ચંદ્રશેખર બુધ્ધભટ્ટી (મો. 94262 60204)ની યાદીમાં જણાવાયું છે.