અમેરિકામાં મિશિગન સેનેટ સીટ માટે ચાલી રહેલી ગળાકાપ સ્પર્ધા અને પ્રચાર રેલીમાં એક વિવાદનો જન્મ થયો છે.યુએસ ઉપપ્રમુખ જે.ડી, વાન્સ એ મિશિગનથી ડેમોક્રેટિક પાર્ટીના સેનેટ ઉમેદવાર અબ્દુલ અલ-સૈયદને કડક ચેતવણી આપી હતી કે મારી પત્નીનું નામ લેવાની હિંમત ના કરો. વાન્સે સોમવારે એક પ્રચાર રેલી દરમિયાન પ્રતિસ્પર્ધીની આકરી ઝાટકણી કાઢી હતી અને તેમણે અલ-સૈયદને તેમની પત્ની ઉષા વાન્સનો ઉલ્લેખ કરવા બદલ ખૂબ જ દુષ્ટ વ્યક્તિ ગણાવ્યો. મિશિગન સેનેટ સીટ માટે ઉગ્ર સ્પર્ધા વચ્ચે આ વિવાદ ઉભો થયો છે. આ સ્પર્ધા ડેમોક્રેટિક ઉમેદવાર અબ્દુલ અલ-સૈયદ અને રિપબ્લિકન ઉમેદવાર માઈક રોજર્સ વચ્ચે છે. તાજેતરના મતદાનમાં, અલ-સૈયદ તેમના પ્રતિસ્પર્ધીથી ચાર પોઇન્ટથી આગળ છે. આ ચૂંટણી યુએસ સેનેટ પર કયો પક્ષ નિયંત્રણ કરશે તે નક્કી કરવા માટે મહત્વપૂર્ણ માનવામાં આવે છે. આખો મામલો સમજીએ વાન્સે એક રેલીમાં કહ્યું હતું કે અલ-સૈયદ જેવા નેતાઓ શરિયા કાયદાને સમર્થન આપે છે. વાન્સે કહ્યું કે જો તે સમય જતાં પાછો જઈ શકે, તો તે તેના દાદાને કહેશે કે ડેમોક્રેટિક પાર્ટી હવે પહેલા જેવી નથી.જેના જવાબમાં અલ-સૈયદે સોશિયલ મીડિયા પર આકરા પ્રહારો કર્યા, લખ્યું, "શું જે.ડી. વાન્સ સમય જતાં પાછો જશે અને તેના દાદાને તેની ભારતીય મૂળની પત્ની ઉષા સાથે ફરીથી મિલાવશે?" આનાથી ગુસ્સે ભરાયેલા વાન્સે જવાબ આપ્યો કે અલ-સૈયદને બીજા લોકોના પરિવારોની ટીકા કરવાની ખરાબ આદત છે અને ઉષા તેના ધોરણો પ્રમાણે ઘણી સારી વ્યક્તિ છે. રેલીમાં, વાન્સે આરોપ લગાવ્યો કે અલ-સૈયદ દેશના તમામ નાગરિકોને ધ્યાનમાં લેવાને બદલે ફક્ત તેના પોતાના ધર્મ અને સમુદાયના લોકોનો જ પક્ષ લે છે. તેમણે કહ્યું કે અલ-સૈયદને બીજાઓ પ્રત્યે કોઈ સહાનુભૂતિ નથી.