સ્પેને અમેરિકાના ઈરાન પરના હુમલા અને યુદ્ધનો સકહ્ત શબ્દોમાં વિરોધ કર્યો હોવા છતાં અમેરિકાએ જુઠાણું ફેલાવ્યુ હતું કે સ્પેન અમેરિકન સૈન્ય સાથે સહયોગ કરવા સંમત છે સ્પેને પ્રેસ સેક્રેટરીના નિવેદન પછી તરત જ પ્રતિક્રિયા આપી અને તેને નકારી કાઢ્યું. સ્પેનિશ મંત્રી જોસ મેન્યુઅલ આલ્બેરેસે રેડિયો સ્ટેશન કેડેના સેરને કહ્યું, "હું વ્હાઇટ હાઉસના પ્રવક્તાને ખોટો સાબિત કરી શકું છું. મધ્ય પૂર્વમાં યુદ્ધ, ઈરાન પર બોમ્બમારો અને અમારા બેઝના ઉપયોગ અંગે સ્પેનિશ સરકારનું વલણ બિલકુલ બદલાયું નથી.

જે તે સમયે રાષ્ટ્રપતિ ડોનાલ્ડ ટ્રમ્પે સ્પેન સાથેના તમામ વેપાર સંબંધો સમાપ્ત કરવાની ધમકી આપી હતી. સ્પેને જણાવ્યું છે કે દક્ષિણ સ્પેનમાં અમેરિકા સાથેના તેના સંયુક્ત બેઝનો ઉપયોગ એવા હુમલાઓ કરવા માટે કરવામાં આવશે નહીં જે યુએન ચાર્ટર દ્વારા આવરી લેવામાં આવતા નથી. સ્પેનના વડા પ્રધાન પેડ્રો સાંચેઝે પણ ઈરાનમાં અમેરિકા અને ઇઝરાયલી લશ્કરી કાર્યવાહીની ટીકા કરી હતી, ચેતવણી આપી હતી કે મધ્ય પૂર્વમાં યુદ્ધ લાખો લોકોના જીવ સાથે રશિયન રૂલેટ રમવાનું જોખમ રાખે છે.અહેવાલ મુજબ, સાંચેઝે એક ટેલિવિઝન ભાષણમાં કહ્યું હતું કે, "અમે બદલાના ડરથી, વિશ્વ માટે અને આપણા મૂલ્યો અને હિતોની વિરુદ્ધ કોઈપણ બાબતમાં ભાગ લેવાના નથી.

સ્પેનના આ વલણથી ટ્રમ્પ ગુસ્સે થયા હતા અને તેમણે સ્પેન પર ટેરિફ લાદવાની ધમકી આપી હતી. ટ્રમ્પે કહ્યું હતું કે જર્મની જેવા દેશો સારા છે અને અમારી સાથે સહયોગ કરી રહ્યા છે, જ્યારે સ્પેન જેવા દેશો ખરાબ છે.