પ્રતિબંધો લાદવાનું વિચારી શકે છે. તેમણે યુએસ સેનેટની વિદેશ બાબતોની સમિતિ સમક્ષ આ નિવેદન આપ્યું અને ઉમેર્યું કે અમને માહિતી મળી છે કે રશિયા યુદ્ધવિરામ માટે તેની શરતો લેખિતમાં આપવાની તૈયારી કરી રહ્યું છે, જેનાથી વધુ વ્યાપક વાટાઘાટો શક્ય બનશે. અમે તે શરતોની રાહ જોઈ રહ્યા છીએ, ત્યારે જ અમે પુતિનના ઇરાદાઓને વધુ સારી રીતે સમજી શકીશું.અને જો રશિયા શાંતિ મંત્રણામાં રસ નહીં દાખવે અને એ સ્પષ્ટ થઈ જાય કે રશિયા શાંતિ ઇચ્છતું નથી અને યુદ્ધ ચાલુ રાખવા માંગે છે, તો પ્રતિબંધોનો માર્ગ અપનાવવો પડશે.

ટ્રમ્પ ધમકી આપવા કરતા શાંતિપૂર્ણ ઉકેલની તરફેણમાં

જોકે, રુબિયોએ એમ પણ કહ્યું કે યુએસ રાષ્ટ્રપતિ ડોનાલ્ડ ટ્રમ્પ આ સમયે કોઈપણ પ્રકારના પ્રતિબંધોની ધમકી આપવા માંગતા નથી કારણ કે તે ચાલી રહેલી રાજદ્વારી પ્રક્રિયાને અસર કરી શકે છે. "રાષ્ટ્રપતિ માને છે કે જો હવે પ્રતિબંધોની ધમકી આપવામાં આવે છે, તો રશિયા વાટાઘાટોમાંથી પાછળ હટી શકે છે," રુબિયોએ કહ્યું. રુબિયોએ એમ પણ કહ્યું કે ટ્રમ્પ સંઘર્ષનો અંત લાવવા માટે "સંપૂર્ણપણે પ્રતિબદ્ધ" છે અને બંને પક્ષોને શાંતિપૂર્ણ ઉકેલ તરફ દોરી જવાની ક્ષમતા જાળવી રાખવા માંગે છે.

તેમણે એમ પણ કહ્યું કે નવા ચૂંટાયેલા પોપ લીઓના નેતૃત્વ હેઠળ વેટિકન આ વાટાઘાટોનું આયોજન કરવા તૈયાર છે. આ પહેલ એવા સમયે આવી છે જ્યારે ઇસ્તંબુલમાં તાજેતરની શાંતિ મંત્રણા નિષ્ફળ ગઈ હતી, જોકે બંને દેશો કેદીઓની અદલાબદલી પર સંમત થયા હતા.