વડોદરામાં એક યુવકે સાપને માઉથ ટુ માઉથ CPR આપ્યાનો વીડિયો સામે આવ્યો છે. મહત્વનું છે કે જે બાદ સાપ જીવતો થયો હતો.

સામાન્ય રીતે મનુષ્યને CPR આપી તેમનો જીવ બચાવવાનો પ્રયાસ કરવામાં આવતો હોય છે. જો કોઇ વ્યક્તિને સમયસર CPR આપવામાં આવે તો તેનો જીવ પણ બચાવી લેવાતો હોય છે. આવી જ રીતે પ્રાણીઓને પણ CPR આપી બચાવી લેવાતા હોય છે. વડોદરામાં આવી જ રીતે સાપને CPR આપીને બચાવી લેવાયો છે. 

વિગતવાર વાત કરીએ તો વડોદરામાં વૃદાવન નજીક પર્યાવરણ પ્રેમી યશ તડવીએ મુર્છિત અવસ્થામાં સાપ જોયો હતો. એટલે સાપનો જીવ બચાવવા માટે યુવકે માઉથ ટુ માઉથ સીપીઆર આપવાનું શરૂ કર્યું હતું. અને પાંચ મિનિટ બાદ જ સાપમાં ફરી જીવ આવ્યો હોય તેમ સાપ બચી ગયો હતો. હાલ તો સોશિયલ મીડિયામાં આ વીડિયો ખૂબ વાયરલ થઈ રહ્યો છે.