જામનગરમાં વિજ ચોરી પકડવા ત્રાટકી વિજીલન્સ

January 29, 2026 12:57 PM

જામનગર શહેરમાં પીજીવીસીએલ દ્વારા ચેકીંગની કાર્યવાહી બંધ રાખવામાં આવી હતી, પરંતુ આજે સવારે પીજીવીસીએલના અઘ્યક્ષ હષીત વ્યાસની સુચનાથી શહેરના કેટલાક વિસ્તારોમાં ચેકીંગની ટુકડી ત્રાટકી છે અને આ વીજીલન્સ ટીમે ચેકીંગ શરૂ કર્યુ છે, જામનગર શહેરમાં અનેક સ્થળોએ હજુ પણ વિજ લોશ આવતો હોય સાંજ સુધી વિજ ચોરી પકડવા અભિયાન હાથ ધરાશે.

જાણવા મળતી માહિતી મુજબ આજ સવારથી સમર્પણ હોસ્પિટલ, તીરૂપતિ સોસાયટી, યાદનગર, દિગ્જામ સર્કલ, જોડીયા, માધાપર ભુંગા, બેડી, ધરારનગર તેમજ શહેરનાકેટલાક વિસ્તારોમાં પીજીવીસીએલની અનેક ટીમ દ્વારા ચેકીંગની કાર્યવાહી હાથ ધરવામાં આવી છે, આ સમગ્ર ચેકીંગ દરમ્યાન પોલીસનો પણ મજબુત બંદોબસ્ત રાખવામાં આવ્યો છે. કેટલાક વિસ્તારોમાં અવારનવાર વિજ લોસ આવતો હોય તંત્ર દ્વારા આ કાર્યવાહી શરૂ કરવામાં આવી છે.

વિજ ચોરીમાં પણ જામનગર આગળ પડતું છે, અવારનવાર બેડી, જોડીયા ભુંગા, ધરારનગર, પાણાખાણ સહિતના કેટલાક વિસ્તારોમાં લંગરીયા, ડાયરેકટ વિજ જોડાણ અને અન્ય કરામતથી વિજ ચોરી પકડી પાડવામાં આવે છે, છતાં પણ બે-ત્રણ દિવસમાં જ ફરીથી વિજ ચોરો ડાયરેકટ વિજ જોડાણ લઇ લે છે, આમ અનેક વિસ્તારોમાં વિજ લોસ આવતો હોવાના કારણે પીજીવીસીએલ દ્વારા આ વિસ્તારોમાં અવારનવાર ચેકીંગ માટે કાર્યવાહી કરવામાં આવે છે.

તાજેતરમાં જ અનેક સ્થળોએથી વિજ ચોરી પકડી પાડવામાં આવી હતી અને તેની સામે કાયદેસરની કાર્યવાહી કરવામાં આવી છે ત્યારે આ લખાય છે ત્યારે પણ ૧૧ વાગ્યે વિજ ચોરી પકડી પાડવા માટે બે ડઝનથી વધુ ટીમ શહેરના કેટલાક વિસ્તારોમાં ચેકીંગ કરી રહી છે, સાંજ સુધીમાં વિજ ચોરી કેટલી પકડાઇ છે તેની માહિતી આપવામાં આવશે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં વિજ ચોરી પકડવા ત્રાટકી વિજીલન્સ

Recent News

Gujarat's No. 1 evening newspaper