ભાજપના રોડ-શો દરમ્યાન રૂપાલાપાલા વિરુઘ્ધ નારા લાગ્યા : પોલીસના ધાડેધાડા ઉતરી પડયા

ધ્રોલમાં ભાજપના રોડ-શો દરમ્યાન ક્ષત્રીયો દ્વારા ઉગ્ર વિરોધ કરવામાં આવ્યો હતો અને પોલીસ દ્વારા 70 જેટલા પ્રદર્શનકારીઓની અટકાયત કરવામાં આવી હતી, દરમ્યાન વાડી ખાતે સભા રાબેતા મુજબ યોજવામાં આવી હતી.

ધ્રોલના હમાપર, ધ્રોલ શહેર ખાતે ભાજપના ઉમેદવારનો રોડ-શો તેમજ જાહેર સભા તથા લતીપર ગામે પણ સભાનું ભાજપ દ્વારા આયોજન કરવામાં આવ્યુ હતું, હમાપર ગામે સભા પુરી કયર્િ બાદ ધ્રોલ હાઇવે પર આવેલ ભાજપ કાયર્લિયથી જોડીયા રોડ પર આવેલ ભરવાડ સમાજની વાડી સુધી રોડ-શોનું આયોજન કરાયુ હતું, જે દરમ્યાન ગાંધીચોકમાં મોટી સંખ્યામાં અલગ અલગ ટુકડીઓમાં વેચાયેલ ક્ષત્રીયો એકત્ર થયા હતા.

ગાંધીચોકમાં ક્ષત્રીયો દ્વારા રૂપાલા વિરુધ નારા લગાવી ભાજપ સામે વિરોધ પ્રદર્શીત કરવામાં આવ્યો હતો, પોલીસનો ચુસ્ત બંદોબસ્ત ગોઠવી દેવાયો હતો અને વાતાવરણ ઉગ્ર બનતા પોલીસના ધાડે ધાડા ઉતારી દેવામાં આવ્યા હતા, દરમ્યાન વિરોધ પ્રદર્શન કરનાર આશરે 70 જેટલા લોકોની અટકાયત કરવામાં આવી હતી, બીજી બાજુ ભરવાડ સમાજની વાડી ખાતે સભા યોજાઇ હતી.