150 ફૂટ રીંગ રોડ પર અયોધ્યા ચોક ગોકુલ મથુરા પાછળ અલકનંદા એપાર્ટમેન્ટમાં રહેતા સરોજબેન મનહરલાલ કોટક (ઉ.વ 67) દ્વારા યુનિવર્સિટી પોલીસ સ્ટેશનમાં નોંધાવવામાં આવેલી ફરિયાદમાં આરોપી તરીકે જમાઇ હર્ષદ પુત્રીના દીકરાના સાળા માનવ તથા માનવની માતાના નામ આપ્યા છે.

ફરિયાદમાં જણાવ્યું હતું કે, તેમની દીકરી હિરલ તથા ભાણેજ જેનીસભાઈ તથા અન્ય દીકરી મેઘા છેલ્લા 15 દિવસથી અહીં સાથે રહે છે. ગઈ તા. 16/ 5 ના રાત્રીના 1:45 વાગ્યા આસપાસ ફરિયાદી તથા તેમની પુત્રી મેઘા અને હિરલ ત્રણેય અયોધ્યા ચોક ગોકુલ મથુરા પાસે આવેલ ભારત ટાયરના પાર્કિંગમાં બેઠા હતા. ત્યારે મેઘાના ફોનમાં તેના પતિ હર્ષદનો ફોન આવ્યો હતો. બંને વચ્ચે ફેમિલી મેટર ચાલતી હોય જેથી ફરિયાદીની પુત્રી પંદર દિવસથી અહીં રોકાવા આવી છે. દીકરીએ ફોનમાં વાતચીત કરી કહ્યું હતું કે, મારા પતિ હર્ષદનો ફોન આવ્યો હતો કે, તમે મારા વિરુદ્ધ ફરિયાદ કરી હોય જે ફરિયાદ પાછી ખેંચી લેજો તેમ કહી બોલાચાલી ઝઘડો કરવા લાગ્યો હતો અને કહ્યું હતું કે જો ફરિયાદ પાછી નહીં ખેંચે તો તારા ઘરના સભ્યોને હું જાનથી મારી નાખીશ. ફરિયાદીની પુત્રી મેઘા સાથે તેના પુત્ર જેનિસનો સાળો માનવ તથા માનવની માતાએ પણ ફોનમાં ગાળો આપી હતી. બાદમાં ફોન કાપી નાખ્યો હતો. જેથી આ બાબતે વૃધ્ધાએ જમાઈ હર્ષદ તથા માનવ અને માનવની માતા વિરુદ્ધ આ ફરિયાદ નોંધાવી છે.