પ્રાપ્ત વિગત મુજબ વિજય પ્લોટ શેરી નંબર-27માં રહેતો રાજન સુરેશભાઈ ઠાકોર (ઉ.વ.19)નો બાઈક લઈને મિત્ર સાથે રાત્રીના ઘરેથી આટો મારવા જવાનું કહી નીકળ્યો હતો ત્યારે હેમુગઢવી હોલ પાસે બાઈક સ્લીપ થતા બંને રોડ પર પટકાતા પસાર થતા વાહન ચાલકો સહિતના દોડી આવ્યા હતા અને 108 મારફતે તાકીદે સિવિલ હોસ્પિટલએ ખસેડવામાં આવ્યા હતા. સાથે રહેલા મિત્રને સામાન્ય છોલછાલ થઇ હતી. તેણે રાજનના પરિવારને ફોન કરી બનાવની જાણ કરતા પરિવારજનો પણ હોસ્પિટલએ દોડી ગયા હતા. રાજનને માથા અને શરીરના ભાગે ગંભીર ઈજાઓ હોવાથી ચાલુ સારવાર ડામરિયાં વહેલી સવારે મોત નીપજ્યું હતું. બનાવની જાણ હોસ્પિટલ ચોકીના સ્ટાફે એ ડિવિઝન પોલીસને કરતા પોલીસે જરૂરી કાર્યવાહી કરી હતી.

મૃત્તક યુવાન બે ભાઇમાં નાનો હતો અને ઘર નજીક આવેલા કારખાનામાં કામ કરતો હતો. રાત્રે મિત્ર સાથે આટો મારવા નીકળ્યો ત્યારે બાઈક સ્લિપ થઈ જતા બનાવ બન્યો હતો. આગળની કાર્યવાહી એ ડિવિઝન પોલીસે હાથ ધરી છે. યુવકના મોતથી પરિવારમા કલ્પાંત સર્જાયો છે.