બનાવની પ્રાપ્ત વિગત મુજબ પેડક રોડ પર બી-ડિવીઝન પોલીસ સ્‍ટેશન નજીક આવાસ ક્‍વાર્ટરમાં રહેતાં સતિષભાઇ હિમતભાઇ ગડીયા (ઉ.વ.૩૦)એ સાંજે ઘરે ફિનાઇલ પી લેતા તાકીદે સિવિલ હોસ્‍પિટલમાં ખસેડવામાં આવ્યા હતા. બનાવ અંગે હોસ્‍પિટલ ચોકીના સ્‍ટાફે બી-ડિવીઝન પોલીસને જાણ કરી હતી.

સતિષભાઇ રિક્ષા હંકારી પરિવારનું ગુજરાન ચલાવે છે. સંતાનમાં એક દિકરો એક દિકરી છે. સ્વજનના જણાવ્યા મુજબ સતિષભાઇએ તેના મોટા ભાઇને લોનથી ૧૮,૫૦૦ની કિંમતનો મોબાઇલ ફોન લઇ દીધો હતો. આ હપ્‍તા મોટાભાઇને ભરવાના હતાં. પરંતુ મોટો ભાઈ હપ્તો ભરતો ન હોવાથી નોટીસ આવતાં હપ્તા બાબતે મોટા ભાઇને પૂછ્યું હતું આથી બંને ભાઈઓ વચ્ચે બોલાચાલી થતા પોતાને માઠુ લાગી આવતા ફિનાઈલ પી લીધું હતું. પોલીસે વધુ તપાસ હાથ ધરી છે.