દેવભૂમિ દ્વારકા પંથકમાં બે માછીમારો સામે કાર્યવાહી

ઓખા નજીકના બેટ દ્વારકા વિસ્તારમાં રહેતા ઈમરાન જુસબભાઈ ચૌહાણ નામના ૩૫ વર્ષના માછીમાર યુવાને પોતાના કબજા ભોગવટા વાળી બોટમાં ફિશિંગ માટે રિટર્ન ઓપરેશન સેન્ટર બેટ દ્વારકા હોવા છતાં અન્ય ઓપરેશન સેન્ટર ઓખાના ડાલડા બંદર ખાતે જઈ, મંજૂરી વગર પરત આવતા પોલીસે તેની સામે ગુજરાત ફિશરીઝ એક્ટ હેઠળ ગુનો નોંધ્યો હતો.
​​​​​​​
દ્વારકા પોલીસની કાર્યવાહીમાં રૂપેણબંદર વિસ્તારમાં રહેતા રાસીદ ગફુર પટેલિયા નામના ૨૫ વર્ષના માછીમાર યુવાને પોતાની ફિશિંગ બોટની અંદર લાઈટ ફિશિંગના સાધનો લઈ, દરિયામાં લાઈટ ફિશિંગ કરી પરત આવતા ઝડપી લઇ ગુનો દાખલ કરવામાં આવ્યો હતો.