સલમાન ખાનની ફિલ્મ 'ટાઈગર 3'ની ચાહકો આતુરતાથી રાહ જોઈ રહ્યા છે. હવે ચાહકોની આતુરતાનો અંત આવવાનો છે કારણ કે ટાઇગર 3 દિવાળી પર રિલીઝ થવા જઈ રહી છે. આ ફિલ્મમાં ચાહકો માટે ઘણા સરપ્રાઈઝ છે. આ ફિલ્મમાં રિતિક રોશન પણ જોવા મળશે.

જેમ જેમ ફિલ્મની રિલીઝ ડેટ નજીક આવી રહી છે, ટાઇગર 3 ના નિર્માતાઓએ હવે જાહેરાત કરી છે કે આ ફિલ્મમાં સલમાન ખાન સાથે રિતિક રોશન પણ જોવા મળશે. આ જાહેરાત બાદ હવે રિતિક રોશનના ફેન્સ પણ આ ફિલ્મને લઈને ખૂબ જ ઉત્સાહિત છે.

યશ રાજની ફિલ્મોમાં સલમાન ખાનની ટાઇગર 3 અને શાહરૂખ ખાનની પઠાણનો સમાવેશ થાય છે. રિપોર્ટ્સનું માનીએ તો હવે આ લિસ્ટમાં રિતિક રોશનની ફિલ્મ કબીર પણ જોડાવા જઈ રહી છે. આ બધી ફિલ્મો યશ રાજ ફિલ્મ્સના સ્યાય યુનિવર્સનો ભાગ છે. મનીષ શર્માની 'ટાઈગર 3' હિન્દી ઉપરાંત તમિલ અને તેલુગુમાં પણ રિલીઝ થશે. ટાઈગર 3માં શાહરૂખ ખાનનો પણ કેમિયો રોલ છે. એટલે કે ફરી એકવાર શાહરૂખ ખાન અને સલમાન ખાન મોટા પડદા પર સાથે જોવા મળવાના છે.

તાજેતરમાં જ ટાઇગર 3 નો નવો પ્રોમો પણ રિલીઝ થયો હતો, પ્રોમોમાં સલમાન ખાન, કેટરિના કૈફ અને ઇમરાન હાશ્મીની ઝલક જોવા મળી હતી. આ ફિલ્મમાં ઈમરાન હાશ્મી વિલનની ભૂમિકામાં છે. સલમાન અને ઈમરાન હાશ્મી પહેલીવાર મોટા પડદા પર સાથે જોવા મળશે. ફિલ્મના પ્રોમોને ચાહકો તરફથી ખૂબ જ સારો પ્રતિસાદ મળી રહ્યો છે.

ટાઇગર 3 દિવાળીના અવસર પર એટલે કે 12 નવેમ્બર, 2023ના રોજ મોટા પડદા પર આવવા જઈ રહી છે. આ જ ફિલ્મનું એડવાન્સ બુકિંગ 5 નવેમ્બરથી શરૂ થશે. રિપોર્ટ્સ અનુસાર, હવે અયાન મુખર્જીની એક્શન ફિલ્મ 'વોર 2' પણ સ્પાય યુનિવર્સમાં જોડાઈ ગઈ છે. ફિલ્મની સ્ટાર કાસ્ટ વિશે વાત કરીએ તો, જુનિયર એનટીઆર અને કિયારા અડવાણી વોર 2માં રિતિક રોશન સાથે જોવા મળશે.