જામનગરમાં શરાબની બોટલો સાથે ૩ શખ્સ ગીરફતાર

November 07, 2025 06:55 PM

જામનગરના લાલવાડી આવાસ વિસ્તાર ખાતે એક શખ્સને દારૂના ૨૫ ચપટા સાથે દબોચી લીધો હતો, કેળાની વખાર પાસે દારૂની બોટલ સાથે એક ઝપટમાં આવ્યો હતો અને દિ.પ્લોટ ૪૯ રોડ પર બાઇકમાં શરાબની ૬ બોટલ લઇને નીકળેલા ટીટોડી વાડીના શખ્સને પકડી લેવાયો હતો જેની પુછપરમાં સપ્લાયરનું નામ ખુલ્યુ હતું.

જામનગરના લાલવાડી આવાસ નાગમતીની સામેની ગલી મકાન નં. ૧ ખાતે રહેતા ફેરીનો ધંધો કરતા દિલીપ ઉર્ફે ગૌતમ ઉર્ફે બાલી સત્યપાલ અછડા (ઉ.વ.૩૨) નામના શખ્સે પોતાના ભોગવટાના મકાનમાં વિદેશી દારૂ રાખ્યો છે એવી બાતમીના આધારે સીટી-એ પોલીસે દરોડો પાડી મકાનમાંથી દારૂના ૨૫ ચપટા સાથે દિલીપને દબોચી લીધો હતો.

અન્ય દરોડામાં દિ.પ્લોટ ૫૮-૫૯ના છેડે રહેતા વેપાર કરતા જગદીશ ઉર્ફે બાટવા વિશનદાસ ગજરા (ઉ.વ.૩૬) નામના શખ્સને ઇંગ્લીશ દાની એક બોટલ લઇને કેળાની વખાર પાસેથી નીકળતા પોલીસે પકડી લીધો હતો.

આ ઉપરાંત જામનગરના ખોજા નાકા બહાર ટીટોડી વાડી પ્લોટ નં. ૧૬૭ ખાતે રહેતા રીયાઝ હારૂન દરજાદા (ઉ.વ.૩૬) નામના શખ્સને વિદેશી દારૂની ૬ બોટલ, મોબાઇલ અને એક મોટરસાયકલ મળી કુલ ૪૩૪૦૦ના મુદામાલ સાથે દિ.પ્લોટ ૪૯ રોડ, જીઇબી ઓફીસ પાછળની ગલીમાંથી દબોચી લીધો હતો. તેની પુછપરછમાં દારૂ સપ્લાય કરનાર દિ.પ્લોટ ૫૮માં રહેતા વિપુલ ઉર્ફે બાવ ભગવાનજી ટાંકનું નામ ખુલ્યુ હતુ જેને ફરાર જાહેર કરાયો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં શરાબની બોટલો સાથે ૩ શખ્સ ગીરફતાર

Recent News

Gujarat's No. 1 evening newspaper