અકસ્માતના આ બનાવની જાણવા મળતી વિગતો મુજબ, આણંદપર ગામે રહેતો કેવલ નારણભાઈ મેવાડા (ઉ.વ. 15) નામનો તરૂણ ગઇકાલે બપોર બાદ બાઇક લઈને રાજકોટ કુવાડવા રોડ પર ડી માર્ટ પાસે જતો હોય ત્યારે અજાણ્યા એકટીવા ચાલક સાથે બાઈક અથડાતા તરુણને ગંભીર ઇજાઓ પહોંચી હતી જેથી તેને સારવાર માટે રાજકોટ સિવિલ હોસ્પિ હોયટલમાં ખસેડવામાં આવ્યો હતો. અહીં તેનું ચાલુ સારવાર દરમિયાન સાંજે મોત થયું હતું. બનાવને લઇ બી ડિવિઝન પોલીસ સ્ટેશનના સ્ટાફે જરૂરી કાર્યવાહી કરી હતી.

મૃતક કેવલ પોતાના મિત્રો સાથે સ્કૂલનો ડ્રેસ લેવા જતો હોય ત્યારે અજાણ્યા એકટીવા ચાલક સાથે અકસ્માત થયો હતો કેવલ બે ભાઈમાં નાનો અને પિતાને ચાની હોટલ ચલાવતા હોવાનું જાણવા મળ્યું છે. તરૂણના મોતથી પરિવારમાં કલ્પાંત છવાયો હતો.