શ્રી કસ્તુરબા સ્ત્રી વિકાસ ગૃહ જામનગર દ્વારા ૭૦મા સ્થાપના દિવસની ઉજવણી કરવામાં આવી

શ્રી કસ્તુરબા સ્ત્રી વિકાસ ગૃહ જામનગર ખાતે, ૨જી ઓક્ટોબર ના રોજ, સંસ્થાના પ્રમુખ શ્રી કરશનભાઈ ડાંગર ની અધ્યક્ષતા માં અને જાણીતા પત્રકાર, લોકસાહિત્યકાર, મેઘાણી એવોર્ડ વિજેતા રાજુલભાઈ દવે ની વિશેષ ઉપસ્થિત માં, સંસ્થાના ૭૦મા સ્થાપના દિવસની ઉજવણી પરંપરાગત રીતે કરવામાં આવી.

ગાંધી જયંતી અને વિશ્વ અહિંસા દિવસની સૌને શુભેરછાઓ પાઠવવામાં આવી.આ પ્રસંગે સંસ્થા ના કા. વા.સમિતિ ના સભ્યો, વિભાગીય વડાઓ, તેમજ વિદ્યાર્થીઓ ઉપસ્થિત રહ્યાં હતાં.

સંસ્થા સ્થાપના દિવસની ગરિમાપૂર્ણ ઉજવણી નો પ્રારંભ મંગલ ગીત દ્વારા કરવામાં આવી, બાપુ નું પ્રિય ભજન વૈષ્ણવજન નું ભાવપૂર્વક સમૂહ ગાન કરવામાં આવ્યું. કાર્યક્રમ માં પ્રમુખ કરશનભાઈ ડાંગરે, માનદ મંત્રી હીરા બેન તન્ના અને હાઈ સ્કૂલ ના આચાર્ય હીના બેનએ પ્રેરક વિચારો રજૂ કર્યાં હતાં.

મુખ્ય વકતા રાજુલભાઈ દવે એ જામનગર ના ઈતિહાસ સાથે ગાંધી વિચાર અને મૂલ્યો ને ઉજાગર કરતું મનનીય વ્યાખ્યાન આપ્યું હતું. તેમણે સંસ્થાની કાર્ય પ્રવૃત્તિઓ ને શ્રેષ્ઠ ગણી પૂર્વ સૂરીઓ નીભાવ વંદના કરી હતી.

આ પ્રસંગે જામનગર જિલ્લા શાળા સંચાલક મંડળના પ્રમુખ દીપકભાઈ ઠક્કર અને માનદ મંત્રી જતીનભાઈ શાહ ઉપસ્થિત રહ્યાં અને સૌને સ્થાપના દિવસ ની શુભેચ્છાઓ પાઠવી હતી. કાર્યક્રમનું સંચાલન કા.મંત્રી પાર્થ પંડ્યા એ કર્યું હતું.