દેવભૂમિ દ્વારકા જિલ્લાના પ્રસિદ્ધ તીર્થસ્થળ હર્ષદ (ગાંધવી) ખાતે નવરાત્રિ શક્તિ પર્વની ઉજવણી

October 20, 2026 12:11 PM

આજકાલ પ્રતિનિધિ-ખંભાળિયા

દેવભૂમિ દ્વારકા જિલ્લાના પ્રસિદ્ધ યાત્રાધામ હર્ષદ(ગાંધવી) ખાતે રાજ્ય સરકારના રમત ગમત, યુવા અને સાંસ્કૃતિક પ્રવૃતિઓ વિભાગ, કમિશ્નરશ્રી યુવક, સેવા અને સાંસ્કૃતિક પ્રવૃતિઓ તેમજ દેવભૂમિ દ્વારકા જિલ્લા વહિવટી તંત્ર દ્વારા સંચાલિત નવરાત્રી શક્તિ પર્વ ૨૦૨૬નો ધારાસભ્યશ્રી મુળુભાઇ બેરા સહિતના મહાનુભાવોએ માતાજીની આરતી કરી પ્રારંભ કરાવ્યો હતો. હરસિદ્ધિ માતાજીના સાનિધ્યમાં યોજાયેલ નવરાત્રી શક્તિ પર્વમાં પ્રસિધ્ધ કલાકાર સાગર કાચા, હર્ષલ શેઠ, શિતલ ભુવા અને મોહિત સંચારા દ્વારા ગરબા પ્રસ્તુતિ કરવામાં આવી હતી જેમાં સૌ ઉત્સાહ અને ભક્તિ સાથે જોડાઈને ગરબે ઘૂમ્યાં હતા.

નવરાત્રી એટલે માં શક્તિના પર્વ નિમિતે સૌ કોઈને શુભેચ્છાઓ પાઠવતા ધારાસભ્ય મુળુભાઇ બેરાએ જણાવ્યું હતું કે, માતા હરસિદ્ધિના સાનિધ્યમાં નવરાત્રિની અષ્ટમી દિવસે રાજ્ય સરકારના રમત ગમત, યુવા અને સાંસ્કૃતિક પ્રવૃતિઓ વિભાગ, કમિશ્નર યુવક, સેવા અને સાંસ્કૃતિક પ્રવૃતિઓ તેમજ દેવભૂમિ દ્વારકા જિલ્લા વહિવટી તંત્ર નવરાત્રી શક્તિ પર્વનું સુંદર આયોજન કરવામાં આવ્યું છે.

વધુમાં ધારાસભ્યએ જણાવ્યું કે, ગરબોએ ગુજરાતની પ્રાચીન સંસ્કૃતિનો અભિન્ન હિસ્સો રહ્યો છે. વડાપ્રધાન નરેન્દ્રભાઈ મોદીના દ્રષ્ટિવંત નેતૃત્વમાં તત્કાલીન મુખ્યમંત્રી તરીકે વાઇબ્રન્ટ નવરાત્રી મહોત્સવની શરૂઆત કરાવી હતી જેના પરિણામે ગુજરાતનો ગરબો વિશ્વફલક પર અંકિત થયો છે. મુખ્યમંત્રી ભૂપેન્દ્રભાઈ પટેલના નેતૃત્વમાં રાજ્ય સરકાર આપણા શક્તિ કેન્દ્રો એવા અંબાજી, બહુચરાજી, પાવાગઢ, ચોટીલા, હર્ષદ સહિતના તીર્થસ્થળોએ નવરાત્રી પર્વનું આયોજન કરવામાં આવે છે.

વધુમાં ધારાસભ્યએ ઉમેર્યું હતું કે, રાજ્ય સરકાર દ્વારા પ્રસિદ્ધ તીર્થસ્થળ હર્ષદ (ગાંધવી) ને પ્રવાસન સ્થળ તરીકે વિકાસ કરી અનેક સુવિધાઓ ઉપલબ્ધ કરાવવામાં આવી રહી છે. માતા હરસિદ્ધિના સાનિધ્યમાં ઘુઘવતા દરિયા કિનારો અને સુંદર વન સંગમ સમાન આ સ્થળ દ્વારકા અને સોમનાથ વચ્ચે મહત્વનું પ્રવાસન સ્થળ તરીકે વિકસિત થયું છે.

આ તકે જિલ્લા પંચાયત સદસ્ય કરશનભાઇ આંબલિયા, પોરબંદર જિલ્લા પંચાયત સદસ્ય જેઠાભાઈ ઓડેદરા, પ્રાંત અધિકારી વાય.પી.ગઢવી, જિલ્લા યુવા વિકાસ અધિકારી પરબત હાથલિયા, મામલતદાર આર.એચ.સુવા, અગ્રણી આવડાભાઈ ઓડેદરા, સગાભાઇ રાવલીયા સહિત સરપંચઓ તેમજ સ્થાનિક મહાનુભાવો તેમજ મોટી સંખ્યામાં ભાવિકો ઉપસ્થિત રહ્યાં હતાં.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

દેવભૂમિ દ્વારકા જિલ્લાના પ્રસિદ્ધ તીર્થસ્થળ હર્ષદ (ગાંધવી) ખાતે નવરાત્રિ શક્તિ પર્વની ઉજવણી

Recent News

Gujarat's No. 1 evening newspaper

દેવભૂમિ દ્વારકા જિલ્લાના પ્રસિદ્ધ​​​​​​​ તીર્થસ્થળ હર્ષદ (ગાંધવી) ખાતે નવરાત્રિ શક્તિ પર્વની ઉજવણી

Recent News

Gujarat's No. 1 evening newspaper

દેવભૂમિ દ્વારકા જિલ્લાના પ્રસિદ્ધ તીર્થસ્થળ હર્ષદ (ગાંધવી) ખાતે નવરાત્રિ શક્તિ પર્વની ઉજવણી