જામનગર શહેરમાં ૫ ગંદા પાણીના પમ્પીંગ સ્ટેશનના મેઇન્ટેનન્સ માટે ૧.૬૯ કરોડ ખર્ચાશે

October 08, 2026 02:56 PM

જામનગરમાં પાંચ સીવેજ પમ્પીંગ સ્ટેશનના વર્ષના મેઇન્ટેનન્સ માટે ૧.૬૯ કરોડના ખર્ચને મનપાની સ્ટેન્ડીંગ કમીટીએ બહાલી આપી છે. તદઉપરાંત જુદા-જુદા કામ માટે કુલ ૬.૨૮ કરોડનો ખર્ચ મંજૂર કરાયો છે. વોર્ડ નં.૧૫ના વિસ્તારોમાં સીસી રોડ, પેવર બ્લોકના કામની કમિશ્ર્નરની દરખાસ્ત પેન્ડીંગ રાખવામાં આવી છે.

જામનગર મહાનગરપાલિકાની સ્ટેન્ડિંગ કમિટીની બેઠક આજે ચેરમેન ધીરેનકુમાર મોનાણીના અધ્યક્ષસ્થાને યોજાઈ હતી. બેઠકમાં કમિટીના ૧૧ સભ્યો ઉપરાંત મેયર મોનિકાબેન વ્યાસ, ડેપ્યુટી મેયર રાકેશભાઈ ડેર, મ્યુનિસિપલ કમિશનર દિપેશ કેડીયા, ડેપ્યુટી કમિશનર દેવેન્દ્રસિંહ ઝાલા, સિટી એન્જિનિયર ભાવેશભાઈ જાની તેમજ આસિસ્ટન્ટ કમિશનરો સહિતના અધિકારીઓ ઉપસ્થિત રહ્યા હતા. બેઠકમાં સ્વર્ણિમ જયંતિ મુખ્યમંત્રી શહેરી વિકાસ યોજના વર્ષ ૨૦૨૫-૨૬ અંતર્ગત વોર્ડ નં. ૧૨માં મંજૂર થયેલા સીસી રોડના બાકી રહેલા કામને રદ કરવા માટે સૈદ્ધાંતિક મંજૂરી આપવામાં આવી હતી. શહેરના વિવિધ વિકાસકામો જેવા કે રોડ, ટ્રાફિક, સૌંદર્યીકરણ, મકાન, બગીચા અને જાળવણી સહિતના બાંધકામ કામોના તૃતીય પક્ષ નિરીક્ષણ માટે ૧૯.૧૦ લાખના ખર્ચની દરખાસ્ત મંજૂર કરવામાં આવી હતી. શહેરના પાંચ ગંદા પાણીના પમ્પિંગ સ્ટેશનોના વિદ્યુત-યાંત્રિક, બાંધકામ તથા પમ્પિંગ કામગીરીના ૧૨ માસના વ્યાપક સંચાલન અને જાળવણી માટે ૧૬૯.૦૩ લાખના ખર્ચને મંજૂરી અપાઈ હતી.

સ્વર્ણિમ જયંતિ મુખ્યમંત્રી શહેરી વિકાસ યોજના હેઠળ ઉત્તર ઝોનમાં ભૂગર્ભ ગટર નેટવર્કના મજબૂતીકરણ અંતર્ગત વોર્ડ નં. ૪માં નવાગામ ઘેડ વિસ્તારના પમ્પિંગ સ્ટેશન ચોકડી પાસે બની રહેલા નવા ડી.પી. રોડમાં ભૂગર્ભ ગટર લાઈન નાખવાના કામ માટે ૨૨.૦૮ લાખના ખર્ચને મંજૂરી આપવામાં આવી હતી.આ ઉપરાંત ચોમાસા પૂર્વેની કામગીરી અંતર્ગત ભાડાના ખોદકામ યંત્ર ચલાવવા માટે ૧૩.૭૦ લાખના ખર્ચની દરખાસ્ત પણ મંજૂર કરવામાં આવી હતી.તા. ૧૦ મે, ૨૦૨૬ના રોજ વડાપ્રધાનની જામનગર મુલાકાત દરમિયાન થયેલા ૪૦૪.૪૪ લાખના ખર્ચ અંગેની દરખાસ્ત પણ બેઠકમાં રજૂ કરવામાં આવી હતી, જેને જરૂરી નિર્ણય સાથે મંજૂરી આપવામાં આવી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેરમાં ૫ ગંદા પાણીના પમ્પીંગ સ્ટેશનના મેઇન્ટેનન્સ માટે ૧.૬૯ કરોડ ખર્ચાશે

Recent News

Gujarat's No. 1 evening newspaper

જામનગર ​​​​​​​શહેરમાં ૫ ગંદા પાણીના પમ્પીંગ સ્ટેશનના મેઇન્ટેનન્સ માટે ૧.૬૯ કરોડ ખર્ચાશે

Recent News

Gujarat's No. 1 evening newspaper

જામનગર શહેરમાં ૫ ગંદા પાણીના પમ્પીંગ સ્ટેશનના મેઇન્ટેનન્સ માટે ૧.૬૯ કરોડ ખર્ચાશે