રાજુલામાં માવતરના ઘરે રહેતી અને સાવરકુંડલાના ચીખલી ગામે સાસરું ધરાવતી ઉર્વીશાબેન મિલનભાઈ કોટડીયા (ઉ.વ.32)ની પરિણીતાએ સાવરકુંડલા રૂરલ પોલીસ મથકમાં નોંધાવેલી ફરિયાદમાં પતિ મીલન રમેશભાઇ કોટડીયા, સસરા રમેશભાઇ કોટડીયા, સાસુ જસુબેન, દિયર વીજયભાઇ (રહે હાલ સુરત લક્ષ્મીનારાયણ એપાર્ટમેન્ટ) નંણદ ભુમીબેન (રહે.અમોદરા તા.ઉના)ના નામ આપ્યા છે.

તારા પિતા બાપ પાસેથી 10 લાખ લેતી આવ એમ કહી પૈસાની માગણી કરતા

ફરિયાદમાં જણાવ્યું છે કે, મારા લગ્ન વર્ષ 2023માં મૂળ ચીખલી અને હાલ સુરત રહેતા અને ડાયમંડની ઓફિસમાં નોકરી કરતા મિલન રમેશભાઈ કોટડીયા સાથે થયા છે. લગ્ન દરમિયાન ચીખલી બધા સાથે રહેતા હતા ત્યારે મારો કરિયાવર જોઈ નણંદએ કહેવા લાગ્યા હતા કે, તારા બાપુજીએ મોટી મોટી વાતો કરી પણ કરિયાવરમાં કાંઈ કિંમતી ચીજવસ્તુઓ આપી નથી. ત્યાં ઘરની બાજુમાં ચેતના નામની છોકરી રહેતી મારા પતિ તેની સાથે હસી મજાક કરતા હોય તેના ઘરે જતા હોય આ બાબતે હું તેને કહેતી તો મારકૂટ કરતા. અને નણંદ પતિ અને ચેતનાના સંબધોનો વાતો કરી મને દુઃખ ત્રાસ આપતાહતા. સુરત રહેવા ગયા ત્યારે મારા સાસુ સસરા અને દિયર નાની નાની બાબતોમાં માથકૂટ કરી દુઃખ ત્રાસ આપવાનું ચાલુ રાખ્યું હતું. અમે રહેતા હતા તે મકાન ખાલી કરવાનું હતું તો મેં પૂછ્યું ઘરનું મકાન છે તો ખાલી કેમ કરવાનું ત્યારે પતિ કહ્યું મકાન ભાડે છે તારે ઘરનું જોઈતું હોય તો તારા પિતા બાપ પાસેથી 10 લાખ લેતી આવ એમ કહી પૈસાની માગણી કરતા હતા.

મારા પિતાએ કટકે કટકે 550000 રૂપિયા આપ્યા હતા 

આમ દુઃખ ત્રાસ આપતા હોવાથી હું રાજુલા મારા પિતાના ઘરે આવતી તો મારા પિતાએ કટકે કટકે 550000 રૂપિયા આપ્યા હતા અને મને સમજાવી પાછા મોકલતા હતા. અને હજુ વધુ પૈસા માટે સાસરિયા દબાણ કરતા હતા. નણંદના લગ્ન થઇ ગયા બાદ ફોન કરી પતિને ચડામણી કરતા હોવાથી પતિ મને મારકૂટ કરતા હતા. આ દરમિયાન મને મિસ ડિલિવરી પણે થઇ હતી. મારા સાસુ લાઈટ બિલ બહુ આવે છે તેમ કહેતા મેં કહ્યું હતું કે, આપણા બધાના કપડાં ધોવાય છે એમાં મારો શું વાંક તો સાસુ કેહવા લાગ્યા હતા કે તારી જીભડી અમારી સામે બહુ ચાલે છે. કહી સાવરણીથી મારમાર્યો હતો. મારા સસરાએ ફોન કરી પતિને કહ્યું હતું કે તું આવ અને આને સીધી કર નહીંતર મારે મારવી પડશે. આથી મારા પતિએ સાસુ સસરા બધાએ ભેગા થઇ મારમાર્યો હતો અને મારી પહેરેલી સોનાની બુટી કાઢી લીધી હતી. અને મને પહેરેલા કપડે બહાર કાઢી મૂકી હતી. મેં કહ્યું હતું કે, હું રાત્રે ક્યાં જાવ મારી પાસે ટિકિટનાએ પૈસા નથી એમ છતાં પતિ, સાસુ, સસરા, જેઠએ ઘરમાં આવવા દીધી નહતી. અને પતિએ ટ્રેનમાં બેસાડી દેતા હું મારા પિયર રાજુલા આવી ગઈ હતી. અને મારા કરિયાવરની વસ્તુઓ અને પિતાએ આપેલા પૈસા બધું ઓળવી ગયા છે. પોલીસે પરિણીતાની ફરિયાદના આધારે તમામ સામે ગુનોનોંધી આગળની કાર્યવાહી હાથ ધરી છે.