જામનગર જિલ્લાના ટુ વ્હીલર ધરાવતા વાહન માલિકો નવી સિરીઝની ઈ-ઓક્શન પ્રક્રિયામાં ભાગ લેવા અરજી કરી શકશે

October 12, 2026 05:06 PM

જામનગર જિલ્લાના ટુ વ્હીલર ધરાવતા વાહન માલિકો નવી સિરીઝની ઈ-ઓક્શન પ્રક્રિયામાં ભાગ લેવા અરજી કરી શકશે

જામનગર જિલ્લાના મોટરીંગ પબ્લિકના વાહન માલિકો માટે ટુ વ્હીલર પ્રકારના વાહનો માટેની જીજે-૧૦-ઈએન નવી સીરીઝમાં તમામ નંબર માટે ઈ-ઓક્શનની પ્રક્રિયા હાથ ધરવામાં આવનાર છે. જેમાં ઓનલાઈન અરજી કરવા માટે આગામી તા.૧૬/૧૦/૨૦૨૬ થી ૨૦/૧૦/૨૦૨૬ બપોરે ૪:૦૦ કલાક સુધી, ઈ-ઓક્શન બિડિંગ કરવાનો સમયગાળો તા.૨૦/૧૦/૨૦૨૬ થી ૨૨/૧૦/૨૦૨૬ બપોરે ૪:૦૦ કલાક સુધી અને ઈ-ઓક્શનનું પરિણામ તા.૨૨/૧૦/૨૦૨૬ બપોરે ૪:૦૦ કલાકે જાહેર કરવામાં આવશે.
ઈ-ઓક્શનમાં ભાગ લેનાર વાહન માલિકો સૌ પ્રથમ WWW.PARIVAHAN.GOV.IN વેબસાઈટ પર જઇને રજીસ્ટ્રેશન કરાવ્યા બાદ યુઝર આઈડી અને પાસવર્ડ મેળવવાનું રેહશે. ત્યારબાદ વેબ સાઇટ પર લોગીન કરીને વાહન ખરીદીના દિવસ-૭ની અંદર ઓનલાઈન C N A ફોર્મ ભરવાનું રેહશે.

વાહન માલિક ગોલ્ડન અને સિલ્વર અને અન્ય પસંદગીના નંબર પરથી કોઈ એક નંબર પસંદ કરીને ઓનલાઈન પેમેન્ટ પ્રક્રિયા પૂર્ણ કરી ને ઓનલાઈન રસીદ મેળવી લેવાની રેહશે.વાહન માલિક પોતાની બીડ ઉપરોક્ત દર્શાવેલ સમય ગાળા દરમિયાન ૧૦૦૦ (એક હજાર) નાં ગુણાંકમાં વધારી શકશે.ઇ-ઓકશનના અંતે નિષ્ફળ થયેલ અરજદારોએ રિફંડ માટે પ્રાદેશિક વાહન વ્યવહાર અધિકારીની કચેરી જામનગરનો સંપર્ક કરવાનો રેહશે.

પસંદગીનાં લાગેલ નંબરવાળા અરજદારોએ બાકી રકમનું ચુકવણું ઓનલાઈન દિવસ-૫માં કરવાનું રહેશે. જેમાં નિષ્ફળ ગયે પસંદગીનાં નંબરની ફીનું રિફંડ મળશે નહિ જેની નોંધ લેવી.ઓકશનમાં ભાગ લેનાર વાહન માલિકનાં તમામ દસ્તાવેજો ડીલર કક્ષાએ ખરાઈ કરી અપલોડ કરેલાં હોવા જોઈએ તેમ પ્રાદેશિક વાહન વ્યવહાર અધિકારીશ્રી જામનગરની યાદીમાં જણાવાયું છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર જિલ્લાના ટુ વ્હીલર ધરાવતા વાહન માલિકો નવી સિરીઝની ઈ-ઓક્શન પ્રક્રિયામાં ભાગ લેવા અરજી કરી શકશે

Recent News

Gujarat's No. 1 evening newspaper