જામનગર જિલ્લા હોમગાર્ડઝના સ્ટાફ ઓફિસર (મહિલા) પ્રેક્ષાબેન ભટ્ટે, તા. ૬ ડિસેમ્બર હોમગાર્ડઝ અને સિવિલ ડિફેન્સ દિવસ નિમિત્તે રાજ્ય કક્ષાની સેરિમોનિયલ પરેડમાં પરેડ કમાન્ડર તરીકે નેતૃત્વ કરેલ હતું. આણંદ ખાતે યોજાયેલ આ પરેડમાં પ્રેક્ષાબેન ભટ્ટને સેક્ધડ પરેડ કમાન્ડર તરીકે નિયુક્ત કરાયા હતા.


 પ્રેક્ષાબેન ભટ્ટ જામનગર જિલ્લાના એવા પ્રથમ મહિલા અધિકારી બન્યા છે, જેમણે બીજી વખત રાજ્યકક્ષાની હોમગાર્ડઝ પરેડમાં પરેડ કમાન્ડર રહ્યા હતા. પ્રેક્ષાબેન ભટ્ટની કામગીરીને મોમેન્ટો આપી બિરદાવવામાં આવેલ હતા.

​​​​​​​ગુજરાત રાજ્યના હોમગાર્ડઝ અને સિવિલ ડિફેન્સના કમાન્ડન્ટ જનરલ પિયુષ પટેલ આ તકે ખાસ ઉપસ્થિત રહ્યાં હતા. આ તકે હોમગાર્ડઝ હેડક્વાર્ટર ગુજરાત રાજ્યના સર્વે મનોનીત હોમગાર્ડઝ અધિકારીનો આભાર માન્યો હતો. જામનગર જિલ્લા હોમગાર્ડઝ માટે આ એક ગૌરવપૂર્ણ અને અભિનંદનીય ક્ષણ રહી હતી.