આ સિવાય જે ૧૨ ફોર્મ ભરાયા છે તેની યાદી આ અહેવાલની સાથે આપવામાં આવી છે. તા.૨૫ના રોજ ફોર્મની ચકાસણીની ફોર્માલીટી થશે અને તા.૯ના રોજ મોક ચુંટણી જેવી ચુંટણી પ્રક્રિયા સંપન્ન થશે આ પછી ચેરમેન પદના નામની જાહેરાત કરવામાં આવશે. 
​​​​​​​
શિક્ષણ સમિતિની રચના આમ પણ સમય કરતાં મોડી થઇ છે પરંતુ જયારથી શિક્ષણ સમિતિની રચનાની વાત ચાલુ થઇ ત્યારથી ચેરમેન પદ અને સભ્યપદ માટે  લોબીંગ ચાલ્યું જ હતું, અંદરખાને ઘણું બધુ રંધાયું હતું, અસંતોષની વાતો પણ ઉઠી હતી પરંતુ ભાજપની લાલ આંખને જોતા શિક્ષણ સમિતિ બાબતે લગભગ હવે કોઇ ચું કે ચાં કરશે નહિ એવું દેખાય છે. અને કોઇ અસંતોષ સામે આવે એવું હાલ લાગતું નથી.