ખંભાળીયાની યુવતીને ઓનલાઇન શિક્ષકની નોકરીની લાલચ આપી ઠગાઈ

September 09, 2026 04:04 PM

↵

ખંભાળીયામાં ઓનલાઇન ટીચરની નોકરી અપાવવાના બહાને એક યુવતી પાસેથી ટુકડે-ટુકડે ૫૬ હજારથી વધુની રકમ પડાવી લઈ છેતરપિંડી આચરવામાં આવી હોવાનો કિસ્સો સામે આવ્યો છે.

ખંભાળીયાના રામનાથ સોસાયટી, ગાયત્રી મંદિર પાસે રહેતી ૨૩ વર્ષીય અંજલીબેન વિનયભાઇ ચોક્સીના મોબાઈલ પર એક અજાણ્યા નંબર પરથી ફોન આવ્યો હતો. ફોન કરનારે પોતે એચ.આર. ડિપાર્ટમેન્ટમાંથી બોલતો હોવાની ખોટી ઓળખ આપી સાદા કોલ તેમજ વોટ્સએપ મારફતે સંપર્ક કર્યો હતો.

ત્યારબાદ ઓનલાઇન ટીચરની જોબ માટે રજીસ્ટ્રેશન ફી પેટે ૧,૯૯૯, લેપટોપ અને કંપનીની સિસ્ટમ પેટે ૮,૬૫૦ તેમજ લેપટોપ ઇન્સ્યોરન્સ પેટે ૧૧,૫૦૦, ૧૧,૫૦૦ અને ૨૩,૦૦૦ એમ અલગ-અલગ યુપીઆઇ આઈડી પર ટ્રાન્ઝેક્શન કરાવી કુલ ૫૬,૬૪૯ પડાવી લીધા હતા. છેતરાયાની જાણ થતાં યુવતીએ ખંભાળીયા પોલીસ મથકમાં અજાણ્યા શખ્સ સામે ફરિયાદ નોંધાવતા પોલીસે ભારતીય ન્યાય સંહિતા તથા આઈ.ટી. એક્ટ હેઠળ ગુનો નોંધી આગળની તપાસ હાથ ધરી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

ખંભાળીયાની યુવતીને ઓનલાઇન શિક્ષકની નોકરીની લાલચ આપી ઠગાઈ

Recent News

Gujarat's No. 1 evening newspaper