સર્વે મુજબ, ગ્રામીણ વિસ્તારોમાં 15-29 વર્ષની વય જૂથના લગભગ 96.8 ટકા લોકોએ છેલ્લા ત્રણ મહિના દરમિયાન વ્યક્તિગત કોલ કરવા અને ઇન્ટરનેટનો ઉપયોગ કરવા માટે ઓછામાં ઓછો એક વખત મોબાઇલ ફોનનો ઉપયોગ કર્યો છે. શહેરી વિસ્તારોમાં મોબાઇલ ફોનનો ઉપયોગ 97.6 ટકા હોવાનો અંદાજ છે. સર્વેક્ષણ મુજબ, ગ્રામીણ વિસ્તારોમાં ૧૫-૨૯ વર્ષની વય જૂથના લગભગ ૯૫.૫ ટકા લોકો પાસે સ્માર્ટફોન છે. શહેરી વિસ્તારોમાં, તે જ વય જૂથના લગભગ ૯૭.૬ ટકા લોકો પાસે સ્માર્ટફોન છે.

સર્વેક્ષણમાં, ૧૫-૨૯ વર્ષની વય જૂથના ૯૯.૫ ટકા લોકોએ યુપીઆઈ દ્વારા ઓનલાઈન બેંકિંગ વ્યવહારો કરવાની ક્ષમતા હોવાનું જણાવ્યું છે. આ ઉપરાંત દેશના લગભગ ૮૬.૩ ટકા ઘરોમાં ઇન્ટરનેટ સુવિધા છે.

સર્વેક્ણની તારીખથી છેલ્લા ત્રણ મહિના દરમિયાન લગભગ ૯૭.૧ ટકા લોકોએ મોબાઇલ ફોન (સ્માર્ટફોન સહિત) નો ઉપયોગ કર્યાની જાણ કરી છે. જયારે ૮૫.૧ ટકા લોકોએ આ સમયગાળા દરમિયાન મોબાઇલ અથવા કમ્પ્યુટર જેવા ઉપકરણોનો ઉપયોગ કરીને ઈ-મેલ, મેસેજિંગ મોકલવાની જાણ કરી છે.

આ સર્વેક્ષણ આંદામાન અને નિકોબાર ટાપુઓના કેટલાક ગામડાઓ સિવાય સમગ્ર દેશમાં હાથ ધરવામાં આવ્યું છે. સર્વેક્ષણમાં કુલ ૩૪,૯૫૦ પરિવારોને આવરી લેવામાં આવ્યા હતા. જેમાં ૧૯,૦૭૧ ગ્રામીણ અને ૧૫,૮૭૯ શહેરી પરિવારોનો સમાવેશ થાય છે.