જામનગર શહેરમાં બે દિવસમાં ખાણ-ખનિજ વિભાગ દ્વારા ૧.૮૦ કરોડનો મુદ્દામાલ કબજે

September 10, 2026 03:35 PM

જામનગર જિલ્લા ભૂસ્તરશાસ્ત્રીની સૂચના હેઠળ ખાણ-ખનિજ વિભાગ દ્વારા ગેરકાયદે અને બિનઅધિકૃત ખનિજ વહન સામે હાથ ધરવામાં આવેલી કાર્યવાહી દરમિયાન બે દિવસમાં કુલ પાંચ ડમ્પર ઝડપી પાડવામાં આવ્યા છે. આ કાર્યવાહીમાં કુલ આશરે રૂ.૧.૮૦ કરોડનો મુદ્દામાલ જપ્ત કરવામાં આવ્યો છે.

તા.૯ સપ્ટેમ્બરના રોજ ભૂસ્તરશાસ્ત્રીશ્રી, જામનગરની સૂચનાથી ઢીંચડા રોડ વિસ્તારમાં આકસ્મિક તપાસ હાથ ધરવામાં આવી હતી. તપાસ દરમિયાન સિલિકા સેન્ડ ખનિજનું બિનઅધિકૃત રીતે વહન કરતા કુલ ત્રણ ડમ્પર મળી આવતા તેને જપ્ત કરવામાં આવ્યા હતા. ત્રણેય ડમ્પરની અંદાજિત કિંમત સહિત કુલ રૂ.૧.૨૦ કરોડનો મુદ્દામાલ કબજે કરી આગળની કાર્યવાહી માટે જામનગર સીટી-સી પોલીસ સ્ટેશન ખાતે સોંપવામાં આવ્યો હતો.

આ ઉપરાંત તા.૮ સપ્ટેમ્બરના રોજ દરેડ જીઆઈડીસી વિસ્તારમાં તપાસ હાથ ધરવામાં આવી હતી. દરમિયાન બ્લેકટ્રેપ ખનિજનું ઓવરલોડ પરિવહન કરતા બે ડમ્પર ઝડપાયા હતા. બંને ડમ્પર સહિત આશરે રૂ.૬૦ લાખનો મુદ્દામાલ જપ્ત કરી પંચ-બી પોલીસ સ્ટેશન ખાતે કબજો સોંપવામાં આવ્યો હતો.

આમ, ખાણ-ખનિજ વિભાગ દ્વારા માત્ર બે દિવસમાં કુલ પાંચ ડમ્પર ઝડપી પાડી આશરે રૂ.૧.૮૦ કરોડનો મુદ્દામાલ જપ્ત કરવામાં આવ્યો છે. સમગ્ર મામલે ખાણ-ખનિજ વિભાગ દ્વારા નિયમોનુસાર આગળની કાર્યવાહી હાથ ધરવામાં આવી છે. આ કાર્યવાહી તપાસ ટીમના નિખીલભાઈ, આનંદભાઈ અને રજનીકાંતભાઈ દ્વારા હાથ ધરવામાં આવી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેરમાં બે દિવસમાં ખાણ-ખનિજ વિભાગ દ્વારા ૧.૮૦ કરોડનો મુદ્દામાલ કબજે

Recent News

Gujarat's No. 1 evening newspaper