ખાનગી પેઢી દ્રારા કરોડોનો ફૂલેકું ફેરવવામાં આવ્યું હોય તેમાં અમુક રોકાણકારોને  તો મરણ મૂડી ગુમાવવાનો વારો આવ્યો છે. ત્યારે રોકાણકારો વ્યાજ તો દૂરની વાત રહી મૂડી મેળવવા માટે ખાનગી પેઢીની ઓફીસો અને સંબધિત વિભાગોમાં ઘકકા ખાઇ રહ્યા છે. પરંતુ રોકાણકારોના નાણાં મેળવવાના પ્રયાસ મહદઅંશે નિષ્ફળ રહ્યા છે. આથી રોકાણકારોને નાણાં પરત મળશે કે પછી ગુમાવવા પડશે તે સવાલ જોરશોરથી ઉઠ્યો છે.


જીપીઆઇડી એકટ હેઠળ ખાનગી પેઢીના માલીકો સામે કાર્યવાહી કરવા રોકાણકારોમાં માંગ...

જામનગર સહીત રાજયભરમાં ખાનગી પેઢીના માલીકોએ કરોડો રૂપિયાનું કૌંભાડ આચરવામાં આવ્યું છે. ત્યારે રાજકોટ તેમજ અન્ય શહેરોમાં ખાનગી પેઢીના માલીકો અને એજન્ટો સામે ફરિયાદ નોંધાઇ છે. ત્યારે જામનગર અને દેવભૂમિ દ્રારકા જિલ્લામાં પણ કરોડોનું ફૂલેકું ફેરવનાર ખાનગી પેઢીના માલીકો અને એજન્ટો સામે જીપીઆઇડી એટલે કે ગુજરાત પ્રોટેકશન ઓફ ઇન્ટ્રેસ્ટ ઓફ ડીપોઝીટર્સ ઇન ફાયનાન્સીઅલ એસ્ટાબ્લીશમેન્ટ એકટ હેઠળ કાર્યવાહી કરવા રોકાણકારોમાં માંગ ઉઠી છે. 


સરકારી કર્મચારીઓ પણ છેતરપીંડીનો ભોગ બન્યા 
જામનગર અને દેવભૂમિ દ્રારકા જિલ્લામાં ખાનગી પેઢી દ્રારા ઉંચા વળતરની લાલચ આપી કરોડોનું ફૂલેકું ફેરવવામાં આવ્યું છે. ત્યારે આ કૌંભાડનો ભોગ સરકારી કર્મચારીઓ પણ બન્યા છે. કારણ કે, સરકારી કર્મચારીઓએ પણ ખાનગી પેઢી દ્રારા જાહેર કરાયેલી જુદી-જુદી યોજનામાં નાણાં રોકયા હતાં. પરંતુ પેઢીએ હાથ ઉંચા કરી દેતા સરકારી કર્મચારીઓને પણ નાણાં ગુમાવવાનો વારો આવ્યો છે.​​​​​​​​​​​​​​