જામનગર શહેર-જિલ્લાના ૨.૨૬ લાખથી વધુ ખેલાડીએ ખેલમહાકુંભમાં રજીસ્ટ્રેશન કરાવ્યુ

November 11, 2025 05:53 PM

ગુજરાત સરકારના રમત-ગમત, યુવા અને સાંસ્કૃતિક પ્રવૃતિઓ વિભાગ અંતર્ગત સ્પોર્ટ્સ ઓથોરિટી ઓફ ગુજરાત દ્વારા આયોજિત અને જિલ્લા વહીવટી તંત્ર જામનગરના માર્ગદર્શન હેઠળ જિલ્લા રમત પ્રશિક્ષણ કેન્દ્ર જામનગર દ્વારા સંચાલિત ખેલમહાકુંભ-૨૦૨૫ની સ્પર્ધાઓનો પ્રારંભ તારીખ ૦૭/૧૧/૨૦૨૫ થી શરૂ થયેલ છે. ચાલુ વર્ષે જામનગર જિલ્લાના ખેલાડીઓમાં અભૂતપૂર્વ ઉત્સાહ જોવા મળ્યો છે.

જામનગર ગ્રામ્ય વિસ્તારમાં કુલ ૦૭ રમતોની તાલુકાકક્ષાની સ્પર્ધાઓ તા. ૦૭/૧૧/૨૦૨૫ ના રોજથી શરુ થયેલ છે, જેમાં ગ્રામ્ય જિલ્લાના કુલ ૧,૪૭,૮૦૫ ખેલાડીઓએ રજીસ્ટ્રેશન કરાવેલ છે. આ જ રીતે, જામનગર શહેર વિસ્તારમાં જામનગર મહાનગરપાલિકાના માર્ગદર્શન હેઠળ કુલ ૦૭ રમતોની ઝોનકક્ષાની સ્પર્ધાઓ પણ તા.૦૭/૧૧/૨૦૨૫ ના રોજથી શરુ થયેલ છે, જેમાં શહેરના કુલ ૭૮,૮૫૭ ખેલાડીઓએ રજીસ્ટ્રેશન કરાવેલ છે. આમ, જામનગર જિલ્લામાં કુલ ૨,૨૬,૬૬૨ ખેલાડીઓએ ખેલમહાકુંભ -૨૦૨૫ માં રજીસ્ટ્રેશન કરાવેલ છે.

તા.૦૭/૧૧/૨૦૨૫ થી તા.૩૦/૧૧/૨૦૨૫ સુધી ખેલમહાકુંભ-૨૦૨૫ની તાલુકાકક્ષા, ઝોનકક્ષા, જિલ્લાકક્ષા અને મહાનગરપાલિકાકક્ષાની સ્પર્ધાઓનું આયોજન કરવામાં આવેલ છે. આ સ્પર્ધાઓમાં વિજેતા થનાર જિલ્લાકક્ષા અને મહાનગરપાલિકાકક્ષાના ખેલાડીઓ આગળ રાજ્યકક્ષાની સ્પર્ધામાં જામનગરનું પ્રતિનિધિત્વ કરશે. જિલ્લા રમત પ્રશિક્ષણ કેન્દ્ર-જામનગર દ્વારા ખેલમહાકુંભ-૨૦૨૫માં રજીસ્ટ્રેશન કરાવેલ તમામ ખેલાડીઓને તેમની સ્પર્ધાઓમાં ઉત્સાહભેર ભાગ લેવા માટે અનુરોધ કરવામાં આવે છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર શહેર-જિલ્લાના ૨.૨૬ લાખથી વધુ ખેલાડીએ ખેલમહાકુંભમાં રજીસ્ટ્રેશન કરાવ્યુ

Recent News

Gujarat's No. 1 evening newspaper