બાઈક ચોરીના આ બનાવની જાણવા મળતી વિગતો મુજબ, પ્ર.નગર પોલીસ સ્ટેશનનો સ્ટાફ પેટ્રોલિંગમાં હતો. દરમિયાન શંકાસ્પદ બાઈક સાથે શખસને ઝડપી લીધો હતો. પોલીસે આ શખસની પૂછપરછ કરતા પોતાનું નામ નીરજ ગોરધનભાઈ જાદવ (ઉંવ ૨૧)( રહે ખોડીયાર નગર શેરી નંબર ૦૩,આજી વસાહત) જણાવ્યું હતું. તેની પાસે રહેલ બાઇક અંગે આધાર પુરાવા માંગતા શખસ સંતોષકારક જવાબ આપી શક્યો ન હતો. પોલીસે સઘન પૂછપરછ કરતા શખસે બાઈક ચોરાઉ હોવાનું અને સુરભી ગરબીના ગેટ સામે લવ ગાર્ડનની જાળી પાસે રોડ પરથી બાઈક ચોરી કર્યાનું જણાવ્યું હતું. પોલીસે રૂ. ૫૦ હજારની કિંમતનું ચોરાઉ બાઈક કબજે કરી શખસને પકડી ચોરીનો ગુનો નોંધી કાયદેસરની કાર્યવાહી કરી હતી.

પીઆઇ વી.આર.વસાવાની રાહબરી હેઠળ પી.એસ.આઇ. જે.એમ.જાડેજા તથા હેડ કોન્સ્ટેબલ મયુરરાજસિંહ જાડેજા, જે. એલ.વાવડીયા, પોલીસ કોન્સ્ટેબલ ચાપરાજભાઈ ખવડ, તૌફીકભાઈ મંધરા, તૌફીકભાઈ જૂણાચ, વનરાજભાઈ બોરીચા, રિયાઝભાઈ ભીપૌત્રા, વિરેન્દ્રસિંહ પરમાર, ધર્મેન્દ્રભાઈ મોણપરા સાથે રહ્યા હતા.