દ્વારકા કલેકટર કચેરી ખાતે માહિતી અધિકાર અધિનિયમ ૨૦૦૫ અંતર્ગત પરિસંવાદ યોજાયો

વિસ્તૃત અને સરળ સમજૂતી આપતા રાજ્ય માહિતી કમિશનર નિખિલ ભટ્ટ: જામનગર-પોરબંદરના અધિકારીઓ વીડિયો કોન્ફરન્સથી જોડાયા

​​​​​​​ભારત સરકાર દ્વારા દર વર્ષે તા.૦૫ થી ૧૨ ઓક્ટોબર દરમિયાન છઝઈં ઠયયસ ઈયહયબફિશિંજ્ઞક્ષનું આયોજન કરવામાં આવે છે. આ ઉજવણીના ભાગરૂપે ગુજરાત માહિતી આયોગ, ગાંધીનગર દ્વારા દેવભૂમિ દ્વારકા જિલ્લા સેવા સદન ખાતે માહિતી અધિકાર સપ્તાહ ઉજવણી - ૨૦૨૬ અંતર્ગત પરિસંવાદ રાજ્ય મુખ્ય માહિતી કમિશનર નિખિલ ભટ્ટના અધ્યક્ષસ્થાને યોજાયો હતો. આ પરિસંવાદમાં જામનગર અને પોરબંદરના કલેક્ટર સહિતના અધિકારીઓ વીડિયો કોન્ફરન્સના માધ્યમથી પરિસંવાદમાં જોડાયા હતા. 

પરિસંવાદમાં રાજ્ય માહિતી કમિશનર નિખિલ ભટ્ટે જણાવ્યું હતું કે, માહિતીનો અધિકાર અધિનિયમ-૨૦૦૫ દ્વારા નાગરિકોને સમયમર્યાદામાં ચોકસાઈપૂર્વક માહિતી મળવી જોઈએ. રાજ્યનો નાગરિક આ કાયદા હેઠળ જાહેર હિતની કોઈપણ જાહેર સત્તામંડળ પાસેથી માહિતી મેળવી શકે છે. જાહેર સત્તામંડળોએ કાયદામાં નિયત કરેલ સમયમર્યાદામાં માહિતી પૂરી પાડવી જોઈએ અને જાહેર માહિતી અધિકારીઓ અને અપીલ સત્તાધિકારીઓ દ્વારા માહિતી આપવામાં જે ક્ષતિઓ રહી જાય છે તે કેવી રીતે નિવારી શકાય તેની ઊંડાણપૂર્વક સમજ આપવામાં આવી હતી. 

આ કાયદા અંતર્ગત પ્રેઝન્ટેશનના માધ્યમથી માહિતી અધિનિયમની વિવિધ જોગવાઈઓ, છઝઈં અરજીઓનો સમયસર નિકાલ, જાહેર માહિતી અધિકારીની જવાબદારીઓ, માહિતી પૂરી પાડવાની પ્રક્રિયા તથા પ્રથમ અપીલ સંબંધિત કાર્યવાહી અંગે વિસ્તૃત માર્ગદર્શન પૂરું પાડવામાં આવ્યું હતું. 

આ ઉપરાંત, જાહેર કરી શકાય તેવી માહિતી અરજીઓના સમયમર્યાદામાં  નિકાલ, સંબંધિત રેકોર્ડની જાળવણી તથા ત્રાહિત પક્ષકારની માહિતી અંગેની વિસ્તૃત સમજ આપવામાં આવી હતી. તેમજ દરેક વિભાગ- સંબંધિત કચેરીઓ પ્રો-એક્ટિવ ડિસ્ક્લોઝર નિયમોનુસાર તૈયાર કરવા તથા તેને અદ્યતન રાખવા અંગેની રાજ્ય માહિતી કમિશનર નિખિલ ભટ્ટે ભારપૂર્વક સમજ આપી હતી. જેથી મળતી અરજીઓનો ઝડપથી નિકાલ કરી શકાય અને નાગરિકોને જરૂરી માહિતી વેબસાઇટ અથવા કચેરીના નોટિસ બોર્ડ ઉપરથી મળી રહે.

આ તકે જિલ્લા વિકાસ અધિકારી કેતન પી.જોશીએ જણાવ્યું હતું કે, માહિતી અધિકાર અધિનિયમ ૨૦૦૫ એ નાગરિકો માટે ખૂબ જ ઉપયોગી બન્યો છે. જાહેર માહિતી અધિકારીઓ અને અપીલ સત્તાધિકારીઓ સમયમર્યાદામાં ગુણવત્તાયુક્ત પ્રત્યુતર આપવો જોઈએ. આ પરિસંવાદમાં આર.ટી.આઇ. વીડીયો-પોડકાસ્ટ રજૂ કરવામાં આવ્યા હતા. જેમાં આર.ટી.આઈ અધિનિયમની વિવિધ કલમોની માહિતી વિસ્તૃત સ્વરૂપે આપવામાં આવી હતી.

આ પરિસંવાદમાં સહભાગી એવા તમામ અધિકારી-કર્મચારીઓને પાવર પોઈન્ટ પ્રેઝન્ટેશનના માધ્યમથી આર.ટી.આઈ અધિનિયમની માહિતી વિસ્તૃત રીતે પુરી પાડવામાં આવી હતી.  માહિતી અધિકાર અધિનિયમ  ૨૦૦૫ અંતર્ગત યોજાયેલ સેમિનારમાં નિવાસી અધિક કલેકટર એમ.વી.દેસાઈ, જિલ્લા ગ્રામ વિકાસ એજન્સી નિયામક  એચ.પી.જોશી, એ.એસ.પી પ્રખરકુમાર સહિત જામનગર તથા પોરબંદર જિલ્લાના ઉચ્ચ અધિકારીઓ જોડાયા હતા.