રાજકોટના કણકોટ પાટિયા પાસે ઇનોવેટિવ સ્કૂલની બસને અકસ્માત નડ્યો છે. વિદ્યાર્થીઓને લઈને બસ સ્કૂલે જઈ રહી હતી ત્યારે કણકોટના પાટિયા પાસે થાંભલા સાથે અથડાઈ હતી. જેમાં અંદર સવાર વિદ્યાર્થીઓએ ચિયિયારી કરી મૂકી હતી. તેમજ થાંભલો સ્કૂલ બસની અંદર ઘૂસી ગયો હતો. આ અકસ્માતમાં અંદર બેઠેલા વિદ્યાર્થીઓને નાની-મોટી ઇજા પહોંચી છે. તેમજ એક શિક્ષકને ઇજા પહોંચી છે.

વાલીઓ દોડી ગયા
અકસ્માતના સમાચાર મળતા જ વાલીઓ પોતાના બાળકોને લઈ ચિંતિત બન્યા હતા અને ઘટનાસ્થળે દોડી ગયા હતા. અકસ્માત થતા આજુબાજુમાંથી લોકોના ટોળેટોળા ઉમટી પડ્યા હતા અને વિદ્યાર્થીઓને બસમાં ઉતારી હોસ્પિટલ ખસેડ્યા હતા.

પાર્ક કરેલા એક્ટિવા અને ફૂલ વેચતી મહિલાને અડફેટે લીધી
ઇજાગ્રસ્ત વિદ્યાર્થીઓ અને શિક્ષકને સારવાર માટે હોસ્પિટલ ખસેડવામાં આવ્યાં છે. કાલાવડ રોડ પર કણકોટના પાટિલા પાસે ગંભીર અકસ્માત થયો છે. પાર્ક કરેલા એક્ટિવા અને ફૂલ વેચતી મહિલાને અડફેટે લીધી હોવાનું પણ સામે આવ્યું છે. અવારનવાર બનતી અકસ્માતની ઘટનાઓને લઈને સ્થાનિકોમાં રોષની લાગણી છવાઈ છે.
 
અવારનવાર થતા અકસ્માતને લઈ સ્થાનિકમાં રોષ
અત્યારે સ્કૂલ બસોના અકસ્માત સર્જાય છે. જેથી લોકોએ સ્પીડ બ્રેકર માટે અનેક રજૂઆત છતાં કોઇ કાર્યવાહી કરવામાં આવતી નથી. અકસ્માતને લઈને લોકોમાં ભારે રોષની લાગણી સાથે રજૂઆતો કરી છે કે, આ મામલે કોઈ કાર્યવાહી કરવામાં આવે.